Татарстан Республикасы Судьялар советы утырышы
Җәмәгать судьялары эшчәнлеген тәэмин итү бүлеге башлыгы Ксения Марточкина Судьялар советы утырышында эш башкару һәм суд эшләрен оештыруда мәгълүмати технологияләр кулланганда барлыкка килгән проблемалар турында сөйләде.
Хезмәткәрләр эшчәнлегенең нәтиҗәлелеген арттыру һәм Татарстан Республикасы җәмәгать судьяларының суд участокларында суд эшен башкару процессын камилләштерү максатларында яңа мәгълүмати технологияләр кертелә.
Шулай итеп, 2021 елда Министрлык тарафыннан җәмәгать судьяларының электрон култамгаларын тикшерү ачкычларының квалификацияле сертификатларын яңарту буенча эш башкарылды. Электрон култамгаларны куллану хезмәт вакытын һәм акчаны янга калдырырга, шулай ук эш процессын оештыруны җиңеләйтергә һәм камилләштерергә мөмкинлек бирә.
"Әмма, практика күрсәткәнчә, барлык җәмәгать судьялары да электрон имзаны тулысынча кулланмыйлар. Җәмәгать судьялары үзләре өчен гадәти булган рәвештә хәбәрчегә кәгазьдә кул куюны, аны сканерлау һәм җибәрү өчен электрон документ әйләнеше системасына төшерүне дәвам итәләр. Әлбәттә, бу процессны, электрон култамгадан файдаланып, оптимальләштерергә мөмкин”, - дип хәбәр итте Судьялар советы әгъзаларына Ксения Марточкина.
Бүлек башлыгы шулай ук “Җәмәгать судьялары” кебек программа комплексын куллану проблемалар тудырмый, әмма җәмәгать судьяларының гражданнар һәм башкарма хакимият органнары белән электрон үзара бәйләнешен оештыру өлешендә функционалны киңәйтүне таләп итә, дип билгеләп үтте.
Югары суд рәисе урынбасары Айдар Галиәкбәров Ксения Марточкинага эчтәлекле доклад өчен рәхмәт белдерде һәм Совет әгъзаларын тиешле карар кабул итәргә чакырды.