Дәүләт граждан хезмәте турында гамәлдәге законнардагы җитешсезлекләр юк ителәчәк

РФ Хөкүмәте “Россия Федерациясенең дәүләт граждан хезмәте турында” Федераль Закон кабул итү белән бәйле Россия Федерациясенең аерым закон актларына үзгәрешләр кертү турында” федераль закон проектын Дәүләт Думасына кертү турында карар кабул итте.

2005 елның 1 февраленнән “ “Россия Федерациясенең дәүләт граждан хезмәте турында” 2004 елның 27 июлендәге 79-ФЗ номерлы Федераль закон көченә керде. Бер үк вакытта “Россия Федерациясенең дәүләт хезмәте нигезләре турында” 1995 елның 31 июлендәге 119-ФЗ номерлы Федераль закон, шулай ук аңа үзгәртмәләркертү хакындагы закон актлары көчен югалттылар.

Закон проектын эшләп чыгару кирәклеге дәүләт граждан хезмәтен Россия Федерациясенең дәүләт хезмәт системасында мөстәкыйль төр сыйфатында билгеләгән “Россия Федерациясенең дәүләт хезмәте системасы турында” 2003 елның 27 маендагы 58-ФЗ номерлы Федераль Закон нормалары белән бәйләнешле. Россия Федерациясенең аерым закон актларына үзгәрешләр Граждан хезмәте турында законның 74 нче статьясына нигезләнеп кертелә.

Закон проектының төп максатлары:

-                          дәүләт – хезмәт мөнәсәбәтләрен җайга салучы федераль закон актларын Дәүләт хезмәте турында законга һәм Дәүләт хезмәте системасы турында закон белән тәңгәлләштерү;

-                          дәүләт граждан хезмәте турында федераль законнарда булган җитешсезлекләр һәм коллизияләрне юк итү;

-                          Россия Федерациясенең дәүләт граждан хезмәтенең төгәл һәм каршылыксыз закон актларын булдыру;

-                          Россия Федерациясенең дәүләт граждан хезмәте турында законнарның һәм Россия Федерациясе субъектларының дәүләт граждан хезмәте турында законнарның тигезлеген тәэмин итү.

Закон проекты өчен Дәүләт хезмәте системасы турындагы законның, граждан хезмәте хакындагы законның “дәүләт граждан хезмәте”, “граждан хезмәте вазыйфасы”, “дәүләт граждан хезмәткәре” төшенчәләренең билгеләмәләрен һәм дәүләт граждан хезмәте турында законнарның эш итү өлкәләрен үз эченә алган нигезләмәләре концептуаль булып тора. Күрсәтелгән федераль законнарны кабул иткәнче россия законнары граждан хезмәте белән бәйле терминологияне кулланмады, шул ук вакытта бер төркем закон актларында дәүләт хезмәте контекстында дәүләт хезмәте һәм дәүләт хезмәткәрләре турында сүз бара. Бу тиешле үзгәрешләр кертүне таләп итә.

-                          -закон актларыннан Граждан хезмәте турында Закон нормаларына каршы килә торган нигезләмәләрне төшереп калдыру;

-                          -төрле дәүләт органнарындагы дәүләт граждан хезмәткәрләренең эшчәнлеген регламентлаштыручы нормаларны түбәндәге вариантларның берсе буенча яңадан карап чыгу:

-                          а) дәүләт граждан хезмәте баш булган дәүләт органнарындагы дәүләт хезмәткәрләре статусын ныгыту;

-                          б)дәүләт хезмәтенең башка төрләре баш булган дәүләт органнарындагы хезмәткәрләрнең аерым категорияләре өчен дәүләт граждан хезмәтенә күрсәтмә бирү;

-                          в)дәүләт хезмәте гамәлгә ашырылган, ләкин закон белән билгеләнмәгән федераль дәүләт органнары хезмәткәрләре өчен дәүләт граждан хезмәтен дәүләт хезмәтенең төре буларак билгеләү;

-                          -дәүләт граждан хезмәткәрләренә дәүләт хезмәткәрләре өчен закон актлары белән билгеләнгән аерым хокук һәм гарантияләр таралу;

-                          -“Россия Федерациясенең дәүләт хезмәте нигезләре турында” 1995 елның 31 июлендәге 119-ФЗ номерлы Федераль Закон нигезендә билгеләнгән нигезләмә һәм нормаларны көчен югалткан дип тану;

-                          -кирәк булган очракларда “дәүләт хезмәте”, “дәүләт хезмәткәре” һ.б. терминнарны “дәүләт граждан хезмәте”, “дәүләт граждан хезмәткәре” һ.б. терминнары белән алыштыру;

-                          -лингвистик, терминологик һәм (яки) юридик-техник төзәтмә.