Хокук мәсьәләләре буенча ведомствоара координация комитетының экспертлар советы утырышы
Бүген юстиция министры Рөстәм Заһидуллин рәислегендә Хокук мәсьәләләре буенча ведомствоара координация комитетының экспертлар советы утырышы узды.
Экспертлар советы тарафыннан түбәндәге Татарстан Республикасы закон проектлары каралды:
- «Татарстан Республикасы дәүләт мөлкәте турында һәм Татарстан Республикасының аерым закон актларының (закон актлары нигезләмәләренең) үз көчләрен югалтуын тану хакында» Татарстан Республикасы законы;
- «Татарстан Республикасында җирле үзидарә органнарына граждан хәле актларын дәүләт теркәвенә алу вәкаләтләрен бирү турында» Татарстан Республикасы Законына үзгәрешләр кертү хакында»;
- «Мәгариф турында» Татарстан Республикасы Законына үзгәрешләр кертү хакында»;
- «Оешмалар мөлкәтенә салым турында» Татарстан Республикасы Законының 3 һәм 5 статьяларына үзгәрешләр кертү хакында».
Фикер алышу йомгаклары буенча «Мәгариф турында» Татарстан Республикасы Законына үзгәрешләр кертү хакында» закон проекты хупланды һәм Хокук мәсьәләләре буенча ведомствоара координация комитеты каравына кертелде.