Законнардагы яңалык
2022 елның 1 декабрендә “Дәүләт органнары һәм җирле үзидарә органнары эшчәнлеге турында мәгълүматка үтемлелекне тәэмин итү турында” Федераль законга һәм “Россия Федерациясендә судлар эшчәнлеге турында мәгълүматка үтемлелекне тәэмин итү турында” Федераль законның 10 статьясына үзгәрешләр кертү хакында” 2022 елның 14 июлендәге 270-ФЗ номерлы Федераль закон үз көченә керде.
Кертелгән үзгәрешләр белән ведомство карамагындагы дәүләт органнары һәм җирле үзидарә органнары эшчәнлеге турында мәгълүматтан файдалануны тәэмин итү тәртибе төгәлләштерелде.
Аерым алганда, мондый оешмалар карамагында булган дәүләт органнары, җирле үзидарә органнары карары буенча ведомство карамагындагы оешмалар, башка федераль законнарда каралган очраклардан тыш, рәсми сайтлар төзиләр. Анда дәүләт органнарының, җирле үзидарә органнарының һәм (яки) ведомство буйсынуындагы оешмаларның берничә рәсми сайты урнашкан бердәм портал булдыру каралган булырга мөмкин.
Шулай ук дәүләт органнары, җирле үзидарә органнары һәм алар карамагындагы оешмалар “Интернет” челтәрендә үз эшчәнлеге турында мәгълүмат урнаштыру өчен рәсми битләр булдыралар, анда мәгълүмат урнаштыру һәм тапшыру, шулай ук мәгълүмат кулланучылар белән хезмәттәшлек гамәлгә ашырыла.
Рәсми сайтлар һәм рәсми битләр “Дәүләт хезмәтләре һәм муниципаль хезмәтләрнең бердәм порталы” федераль дәүләт мәгълүмат системасы белән хезмәттәшлек итәләр.
Ведомство буйсынуындагы оешмаларның рәсми сайтларына урнаштырыла торган эшчәнлеге турында мәгълүмат исемлеге мондый оешмалар карамагында булган дәүләт органнары, җирле үзидарә органнары тарафыннан раслана.