Балалары Республика балалар клиник хастаханәсендә дәваланучы гаиләләргә түләүсез юридик ярдәм
Иртәгә, 4 апрельдә, 16:00 сәгатьтән 18:00 сәгатькә кадәр Республика балалар клиник хастаханәсе территориясендә урнашкан “Гаилә бергә” бушлай гаилә кунакханәсендә Юстиция министрлыгы авыру балаларны тәрбияләүче гаиләләргә түләүсез юридик ярдәм күрсәтү чарасын оештыра.
Республика халкы балаларның хокукларын һәм законлы мәнфәгатьләрен яклауга кагылышлы мәсьәләләр буенча квалификацияле хокукый ярдәм ала алачак.
Гражданнарның мөрәҗәгатьләрен тармак ведомстволары һәм министрлыклар белгечләре караячак. Анда яшәүчеләрнең Татарстан Республикасы дәүләт юридик бюросы, Татарстан нотариаль палатасы, Татарстан Республикасында Бала хокуклары буенча вәкаләтле вәкил Аппараты, Татарстан Республикасы буенча Медик-социаль экспертиза Баш бюросы, Татарстан Республикасы Сәламәтлек саклау министрлыгы, шулай ук Татарстан Хезмәт, халыкны эш белән тәэмин итү һәм социаль яклау министрлыгы вәкилләренә мөрәҗәгать итү мөмкинлеге булачак.
Өстәмә мәгълүмат өчен 8(843)222-60-51 телефоны буенча мөрәҗәгать итәргә мөмкин.