Татарстан Республикасы Лениногорск суд районы буенча суд участоклары эшчәнлеген оештыру тикшерелде
Татарстан Республикасы Юстиция министрлыгы 2024 елның 20 маеннан 24 маена кадәр Татарстан Республикасы Лениногорск суд районы буенча җәмәгать судьяларының суд участоклары эшчәнлеген оештыруны өйрәнүне тәмамлады.
Җәмәгать судьялары эшчәнлеген оештыру-хокукый тәэмин итү бүлеге хезмәткәрләре тарафыннан түбәндәге мәсьәләләр өйрәнелде:
суд эшләрен оештыру һәм архив эше;
суд актларын, протоколларны һәм эш документациясен вакытында рәсмиләштерү һәм аларның сыйфаты;
электрон башкару документлары белән эшләгәндә, шулай ук “Җәмәгать судьялары” программа комплексында эшләү буенча барлыкка килә торган мәсьәләләр.
Гражданнарны кабул итүне оештыруга, җәмәгать судьялары аппаратлары хезмәткәрләренең үз-үзләрен тотышы кагыйдәләренә һәм эчке хезмәт тәртибе кагыйдәләренә аерым игътибар бирелә.
Татарстан Республикасы Лениногорск суд районы буенча җәмәгать судьялары аппаратлары хезмәткәрләренә эшчәнлек нәтиҗәлелеген арттыру максатыннан кирәкле тәкъдимнәр әйтелде.