ТР Юстиция министрлыгында дәүләт хезмәте ветераннары советы утырышы узды
Бүген Татарстан Республикасы Юстиция министрлыгының дәүләт хезмәте ветераннары советы утырышы узды. Аны ТР юстиция министры урынбасары, Ветераннар советы рәисе Мөхәррәм Ибәтов үткәрде. Чарада Татарстан Республикасы юстиция министры Рөстәм Заһидуллин һәм Министрлыкның структур бүлекчәләре башлыклары катнашты.
Мөхәррәм Ибәтов Ветераннар советы әгъзаларын пенсия законнарындагы үзгәрешләр белән таныштырды. Ул шулай ук РФ Дәүләт Думасы өченче укылышта 2025 елдан эшләүче пенсионерларга пенсияләрне индексацияләүне кире кайтара торган закон проектын кабул итүен дә әйтеп узды. Өстәмә түләү пенсия күләменнән чыгып, үткән барлык индексацияләрне, шул исәптән 2016-2024 еллар чорын исәпкә алып исәпләнәчәк.
Мөхәррәм Мансур улы июль аеннан пенсия тупланмаларын түләү варианты пенсионерның яшәү минимумы буенча билгеләнәчәк, дип сөйләде. Аның тупланган акча суммасы белән нисбәтенә карап, кеше акчаны ике ысулның берсе белән алачак: айлык пенсия яки бер тапкыр тапкыр түләү рәвешендә.
Министрлыкның беренчел профсоюз оешмасы рәисе урынбасары Ралия Гарифуллина, Ветераннар советы секретаре Илсөя Хисамова Бөек Ватан сугышында Җиңүнең 79 еллыгын бәйрәм итүгә багышлап Юстиция министрлыгы үткәргән чаралар турында хисап тоттылар.
Утырышта катнашучылар Ветераннар советы составына үзгәрешләр кертү, шулай ук җаваплы затларның үзләренә беркетелгән ветераннар белән алып барылган эшләре турында фикер алыштылар.