Татарстан дәүләт юридик бюросы махсус хәрби операциядә катнашучыларга һәм аларның гаиләләренә ярдәм итә
Һәр пәнҗешәмбе көнне дәүләт юридик бюросы белгечләре махсус хәрби операциядә катнашучыларны һәм аларның гаилә әгъзаларын “Ватанны саклаучылар” фондының Татарстан филиалында кабул итәләр.
Элегрәк Татарстан Республикасы юстиция министры Рөстәм Заһидуллин билгеләп үткәнчә, махсус хәрби операция үткәрү дәүләт эшчәнлегенә төзәтмәләр керткән. Бүген республикада барлык дәүләт һәм муниципаль хакимият органнары махсус хәрби операциядә катнашучыларга һәм аларның гаилә әгъзаларына максималь ярдәм күрсәтүне максат итеп куя.
Дәүләт юридик бюросы “Ватанны саклаучылар” махсус хәрби операциясендә катнашучыларга ярдәм итү дәүләт фонды филиалы белән актив хезмәттәшлекне дәвам итә. Мондый хезмәттәшлек нәтиҗәсендә гражданнар социаль ярдәм чаралары, ташламалар, социаль гарантияләр һәм компенсацияләр, шулай ук кредит каникуллары бирү, кредитлар буенча бурычларны исәптән чыгару мәсьәләләре буенча түләүсез консультацияләр ала.
Бу атнада ТР Дәүләт бюросы җитәкчесе урынбасары Рафаэль Гыйниатулловка 8 кеше мөрәҗәгать итте. Җитәкче урынбасары кулланучылар хокукларын яклау, социаль тәэмин итү, салым законнары, опека һәм попечительлек рәсмиләштерү, мирас рәсмиләштерү өлкәсендәге мәсьәләләр буенча телдән һәм язма рәвештә хокукый консультацияләр үткәрде, шулай ук махсус хәрби операциядә катнашучылар һәм аларның гаилә әгъзалары өчен контроль органнарына гаризалар төзеде.
Исегезгә төшерәбез, “Ватанны саклаучылар” фонды филиалына дүшәмбедән якшәмбегә кадәр 9.00 сәгатьтән 18.00 сәгатькә кадәр түбәндәге адрес буенча: Казан шәһәре, Ямашев проспекты, 1 йорт, шулай ук 8 (843) 598-33-55 телефоны аша мөрәҗәгать итәргә мөмкин.
Түләүсез юридик ярдәм сорап түбәндәге адреслар буенча мөрәҗәгать итәргә мөмкин:
- Казан шәһәре, Һади Такташ ур., 124 йорт, 2 корпус, кайнар линия телефоннары: 8 (843) 598-40-55; 8 (843) 598-40-46; 8 (843) 598-40-53.
- Байлар Сабасы ш.т.б., Тынычлык ур., 22А йорт, кайнар линия телефоны: 8 (84362) 2-24-18.