Чаллыда җәмәгать судьяларының суд участоклары бинасында янгын куркынычсызлыгы буенча өйрәнүләр узды
Татарстан Республикасы Юстиция министрлыгы Федераль суд приставлары хезмәтенең Татарстан Республикасы буенча Баш идарәсе белән берлектә Чаллы шәһәре җәмәгать судьяларының суд участоклары бинасында янгын чыккан очракта гамәлләрне эшләү буенча уртак өйрәнүләр уздырды. Чаллы суд районы республикада иң зурысы, бинада җәмәгать судьяларының 20 суд участогы урнашкан.
Тренировкага Россия гадәттән тыш хәлләр министрлыгының Татарстан буенча Баш идарәсе, Росгвардия һәм Ашыгыч медицина ярдәме хезмәте хезмәткәрләре җәлеп ителде.
Имеш, 1 нче каттагы конференц-залда төтен чыкты һәм янгын сүндерү сигнализациясе кабынды. Практик дәрес вакытында суд бинасында булганнарның барысын да куркынычсыз урынга эвакуацияләгәннәр. Янгын сүндерүчеләр җиңсәле линияне җәеп җибәргәннәр һәм янгын сүндерү машинасын су белән тәэмин итү өчен янгын сүндерү гидрантын кулланганнар.
«Без даими рәвештә гадәттән тыш хәлләрдәге гамәлләр буенча теоретик дәресләр үткәрәбез. Бүген бу белемнәрне практикада тикшерәбез. Безнең хезмәткәрләрнең барлык инструкцияләрне төгәл үтәүләренә һәм үзләренә генә түгел, бинадагы гражданнарга да ярдәм күрсәтә алачагына ышанырга телибез”, - дип билгеләп үтте ТР Юстиция министрлыгында җәмәгать судьялары эшчәнлеген тәэмин итү бүлеге башлыгы Ленар Гайниев.
Тренировка тәмамлангач, нәтиҗәләр ясалды. Суд хезмәткәрләре оператив эш иттеләр, янгын вакытында белемнәрен һәм эш итү күнекмәләрен күрсәттеләр. Ведомствоара хезмәттәшлекнең уңай моментлары билгеләп үтелде.
Татарстан Республикасы Юстиция министрлыгы барлык катнашучыларга да килешеп эшләгәннәре өчен рәхмәт белдерә һәм мондый очрашуларның бары тик уку максатларында гына уздырылуын тели!
Җәмәгать судьяларының суд участоклары бинасында янгын сүндерү өйрәнүләре турында тулырак “Чаллы-ТВ” телерадиокомпаниясе репортажында карагыз.