Татарстан Республикасы Чистай суд районы буенча суд участоклары эшчәнлеген оештыруны тикшерү
2024 елның 12 августыннан 15 августына кадәр Татарстан Республикасы Юстиция министрлыгы Татарстан Республикасы Чистай суд районы буенча җәмәгать судьяларының суд участоклары эшчәнлеген оештыруны өйрәнде.
Җәмәгать судьялары эшчәнлеген оештыру-хокукый тәэмин итү бүлеге хезмәткәрләре түбәндәгеләрне өйрәнделәр:
- суд эшләрен оештыруны һәм архив эшен;
- суд актларын, беркетмәләрне һәм хезмәт документациясен рәсмиләштерүнең сыйфаты һәм үз вакытында эшләнүен;
- электрон башкарма документлар белән эшләгәндә, суд актларын электрон рәвештә җибәргәндә барлыкка килә торган сораулар,
- шулай ук “Җәмәгать судьялары” программа комплексында эшләүне.
Гражданнарны кабул итүне оештыруга, шулай ук җәмәгать судьялары эшенә электрон башкарма документлар һәм электрон корреспонденция кертү өлешендә гражданнарга мәгълүмат җиткерүгә аерым игътибар бирелде.
ТР Юстиция министрлыгы җәмәгать судьяларына документларны электрон рәвештә Җәмәгать судьялары порталы аша тапшыру мөмкинлеге, шулай ук суд актларын Дәүләт хезмәтләрендәге шәхси кабинет аша алу мөмкинлеге турында искә төшерә.
Эшчәнлекнең нәтиҗәлелеген арттыру максатларында Татарстан Республикасы Чистай суд районы буенча җәмәгать судьялары аппаратлары хезмәткәрләренә практик ярдәм күрсәтелде һәм кирәкле тәкъдимнәр бирелде.