Коррупциягә каршы бәйсез экспертиза уздыру буенча ел саен үткәрелә торган республика конкурсында катнашуга гаризалар кабул итү турында игълан
Татарстан Республикасы Юстиция министрлыгы 2024 елның 1 октябреннән 30 октябренә кадәр норматив хокукый актларга һәм норматив хокукый актлар проектларына коррупциягә каршы бәйсез экспертиза уздыру буенча ел саен үткәрелә торган республика конкурсында катнашуга гаризалар кабул итү турында игълан итә.
Конкурста катнашуга гаризалар форма буенча кабул ителә.
Гаризага теркәлә:
- физик затны норматив хокукый актларга һәм норматив хокукый актлар проектларына коррупциягә каршы экспертиза уздыруга вәкаләтле бәйсез эксперт сыйфатында аккредитацияләү турында таныклык (хәбәрнамә) күчермәсе;
- 2023 елның 1 сентябреннән 2024 елның 31 августына кадәрге чорда ачыкланган коррупциоген факторларны һәм аларны бетерү ысулларын күрсәтеп, Россия Федерациясе Юстиция министрлыгының 2011 елның 21 октябрендәге 363 номерлы боерыгы белән расланган форма буенча бәяләмәләрнең күчермәләре. Әгәр бәяләмәдә коррупциоген факторга, шулай ук аны бетерү ысулына күрсәтмә булмаса, мондый бәяләмә карауга кабул ителми;
- бәяләмәләрне карау нәтиҗәләре буенча Татарстан Республикасы дәүләт хакимияте органнарының, дәүләт органнарының, Татарстан Республикасындагы муниципаль берәмлекләрнең җирле үзидарә органнарының һәм аларның вазыйфаи затларының дәлилләнгән җавапларының күчермәләре (алар булганда);
- федераль салым түләүченең (җыем түләүче, иминият кертемнәрен түләүче, салым агенты) салымнар, җыемнар, иминият кертемнәре, пенялар, штрафлар, федераль салым хезмәте раслаган форма буенча процентлар түләү бурычларын үтәве турында салым органы белешмәсе.
Документлар түбәндәге адрес буенча кабул ителә: Казан шәһәре, Кремль урамы, 16 йорт, 4 кат, 404 каб.
Дүшәмбе-пәнҗешәмбе 9:00 дән 18:00 гә кадәр, җомга 9:00 дән 16:45 кә кадәр, төшке аш 13:00 дән 13:45 кә кадәр.
Белешмәләр өчен телефон: (843) 222-61-02.
Җиңүчеләрне конкурс комиссиясе 2024 елның 1 ноябреннән 20 ноябренә кадәр ачыклый. Конкурс йомгаклары конкурс комиссиясе утырышы беркетмәсенә имза салынган көннән алып өч эш көне эчендә Татарстан Республикасы Юстиция министрлыгының “Интернет” мәгълүмат-телекоммуникация челтәрендәге рәсми сайтында урнаштырыла.