Татарстан Дәүләт Советы депутатларын сайлауга бер атнадан да азрак вакыт калды

2024 елның 3 сентябре, сишәмбе

Сайлау участоклары 7:00 дән 20:00 гә кадәр эшләячәк. 4 сентябрьгә кадәр сайлаучылар тавыш бирү участогын алыштыра алалар. Моның өчен КФҮ, территориаль сайлау комиссиясе, участок сайлау комиссиясе, РФ Дәүләт хезмәтләре порталындагы шәхси кабинет аша гариза бирергә кирәк.

Сайлау комиссияләре шулай ук тавыш бирү турында гаризаларны өйдә кабул итә. Мондый мөмкинлек сәламәтлеге чикле, инвалид булган затлар, авыруларны  карау зарурлыгы яисә башка нигезле сәбәпләр аркасында тавыш бирү көнендә сайлау участокларына мөстәкыйль килә алмаучылар өчен каралган. Гаризалар 8 сентябрьнең 14:00 сәгатенә кадәр язмача, телдән телефон аша, шәхсән яки туганнары, танышлары аша кабул ителәчәк.

Сайлауларга килегез һәм үз тавышыгызны бирегез!