Министрлык тарафыннан Сарман районында тапшырылган вәкаләтләрнең үтәлеше өйрәнелде
Татарстан Республикасы муниципаль районнарының җирле үзидарә органнары тарафыннан 2016 елдан башлап җирлекләрдән муниципаль регистрны алып бару өчен кирәкле мәгълүмат җыю буенча дәүләт вәкаләтләре гамәлгә ашырыла. Вәкаләтләр 2015 елның 3 ноябрендәге 92-ТРЗ номерлы Татарстан Республикасы Законы белән тапшырылды.
ТР Юстиция министрлыгы хезмәткәрләре Сарман муниципаль районы җирле үзидарә органнарының вәкаләтләрне үтәүләрен өйрәнү буенча күчмә чара үткәрде. 2023 елда һәм агымдагы елның 8 аенда регистрга кертү өчен Министрлыкка Сарман районының 1 меңнән артык норматив хокукый акты, шулай ук аларга өстәмә 109 белешмә кергән.
Чара барышында районның юридик хезмәте хезмәткәрләренә муниципаль актларны кануннарга туры китерү, шулай ук “Татарстан Республикасының коррупциягә каршы сәясәтен гамәлгә ашыру” дәүләт программасы чараларын үтәү мәсьәләләре буенча хокукый ярдәм күрсәтелде.
Җирле үзидарә органнарының җаваплы затлары белән проблемалы мәсьәләләр тикшерелде, дәүләт вәкаләтләрен үтәгәндә эшнең нәтиҗәлелеген арттыру һәм нормалар иҗат итү эшчәнлеген гамәлгә ашыру максатларында тәкъдимнәр бирелде.