РФ субъектларының дәүләт хакимияте органнары өстәмә вәкаләтләр алачак

Үткән җомгада Дәүләт Думасы “Россия Федерациясенең кайбер закон актларына үзгәрешләр кертү турында” (җирле үзидарә турында законнарны камилләштерү һәм дәүләт хакимияте органнары һәм җирле үзидарә органнары арасында вәкаләтләрне бүлешү өлешендә) федераль закон проектын беренче укылышта кабул итте.

Тәкъдим ителә торган үзгәрешләр җирле үзидарәне хокукый җайга салуны камилләштерүгә юнәлтелгән. Закон проекты 17 статьядан тора һәм Россия Федерациясенең 16 закон актына үзгәрешләр кертә. Мәсәлән, авыллар арасындагы территорияләрдә яңа булдырылган җирлекләр булдыру тәртибе каралган, яңа булдырылган муниципаль берәмлекләрдә җирле үзидарә органнары структурасын билгеләү процедурасы төзәтелә.

Закон проекты белән муниципаль берәмлек чикләрен тасвирлау һәм раслау вакытын шәһәр төзү һәм җир законнары таләпләре нигезендә 2012 елның 1 гыйнварына кадәр озайтырга тәкъдим ителә.

Проект белән РФ субъектлары дәүләт хакимияте органнарының җирле үзидарә органнарына Россия Федерациясе субъектларына тапшырылган аерым федераль вәкаләтләрне бүлеп бирү мөмкинлекләрен үстерү киңәш ителә:

-         муниципаль югары уку йортларын булдыру, аларны үзгәртеп кору һәм юкка чыгару буенча;

-         җирлектә нотариус булмаган очракта нотариаль эшләр башкару буенча (мондый эшләрне башкарган өчен алына торган дәүләт пошлинасы муниципаль район бюджетына исәпләнә);

-         сәламәтлек саклау оешмаларын донор каны һәм аның компонентлары белән тәэмин итү буенча;

-         “чернобыль”дә катнашканнарның торак-коммуналь хезмәтләр өчен түләү буенча аерым социаль ярдәм чараларын күрсәтү буенча;

-         баланы гаиләгә тәрбиягә биргәндә бер генә тапкыр бирелә торган пособиене, чакырылыш буенча хәрби хезмәттәгеләрнең авырлы хатыннарына бер генә тапкыр бирелә торган пособиене һәм чакырылыш буенча хәрби хезмәттәгеләрнең балаларына ай саен түләнә торган пособиене билгеләү һәм түләү буенча;

-         РФ субъектлары арасында, шулай ук БДБ да катнашучы дәүләтләр территорияләре чикләрендә үз теләкләре белән гаиләләреннән киткән, балалар йортларыннан, мәктәп-интернатлардан, махсус уку-тәрбияләү һәм бүтән балалар учреждениеләреннән качкан балигъ булмаганнарны ташу буенча.

Закон проекты белән РФ субъектларының дәүләт граждан хезмәткәрләренә һәм муниципаль хезмәткәрләргә пенсияләр түләү тәртибе камилләштерелә. РФ Пенсия фондының һәм Россия Федерациясе субъектларының дәүләт хакимияте органнарының, җирле үзидарә органнарының Россия Пенсия фондының территориаль органнары тарафыннан исәпләнә һәм түләнә торган килешүләр төзү хокукын ныгыту тәкъдим ителә.

Моннан тыш, проект белән РФ Салым кодексының икенче бүлегенә мөлкәтләрен түләүсез тапшыру белән бәйле эшләрне арбитраж судында карап тикшергәндә дәүләт хакимияте органнарын һәм җирле үзидарә органнарын дәүләт пошлинасы түләүдән азат итүне күздә тоткан үзгәрешләр кертү күздә тотыла.