800 гә якын дәүләт хезмәткәре коррупциягә каршы таләпләрне үтәүгә тикшерелде
Дәүләт хезмәткәрләренең 734 анкетасы 2025 елның 1 кварталында коррупциягә каршы таләпләрнең үтәлешен тикшереп торуны тәэмин итү максатында Татарстан Юстиция министрлыгы тарафыннан тикшерелде.
Дәүләт хезмәтенә күптән түгел кабул ителгән 59 хезмәткәрнең шәхси мәгълүматлары да өстәмә мәгълүматларга тикшерелде.
Нәтиҗәләр тикшерелгән вазыйфаи затлар арасында мәнфәгатьләр конфликты булмавын күрсәтте. Коррупциягә каршы чаралар нәтиҗәләре ТР юстиция министры Рөстәм Заһидуллин рәислегендә узган Коррупциягә каршы көрәш комиссиясе утырышында тәкъдим ителде.
Министрлыкта коррупцияон хокук бозуларны профилактикалау өчен җаваплы хезмәткәр Виктория Леонидова билгеләп үткәнчә, Юстиция министрлыгы “Татарстан Республикасының коррупциягә каршы сәясәтен гамәлгә ашыру” дәүләт программасы кысаларында эзлекле рәвештә чаралар комплексын гамәлгә ашыра. Хисап чорында коррупциягә каршы эчке механизмнарны ныгыту өстенлекле юнәлеш булды.
“Без җәмәгатьчелек белән ачык хезмәттәшлеккә аерым әһәмият бирәбез. Министрлыкта ышаныч телефоны эшли, гражданар аның буенча ведомство хезмәткәрләре һәм республика җәмәгать судьялары аппаратлары тарафыннан мөмкин булган хокук бозулар турында хәбәр итә алалар”, - дип ассызыклады белгеч.
Мәгълүмат тапшырганда тулы конфиденциальлек гарантияләнә. Тулы җавап алу өчен, бу мәҗбүри шарт булмаса да, мөрәҗәгать итүченең элемтә өчен мәгълүматларын күрсәтү тәкъдим ителә.
Виктория Леонидова дәүләт программасының планлаштырылган барлык чаралары да тулысынча үтәлде дип белдерде. Коррупциягә каршы эшне оештыруга системалы якын килү профилактик тикшерүнең югары нәтиҗәлелеген, административ процессларның ачыклыгын һәм Министрлык эшчәнлегендә коррупция куркынычын сизелерлек киметүне тәэмин итә.