Министрлык хезмәткәрләрен Татарстан дәүләт хезмәтен үстерүгә керткән өлешләре өчен бүләкләделәр
КФУның дәүләт һәм муниципаль идарә югары мәктәбендә Яңа ел алды чарасы узды, анда 2025 елда Татарстан Республикасы Дәүләт органнарында кадрлар сәясәтен гамәлгә ашыруга йомгак ясалды.
Тантанада дөрес төзелгән кадрлар эшенең төп роле, дәүләт хезмәткәрләре һәм муниципаль хезмәткәрләрнең өзлексез һөнәри үсешенең әһәмияте ассызыкланды.
Татарстанның дәүләт граждан хезмәтен һәм муниципаль хезмәтен үстерү өлкәсендә нәтиҗәле хезмәттәшлек һәм югары һөнәри осталыклары өчен Министрлыкның 5 хезмәткәре: Альберт Камалетдинов, Гөлнара Касыймова, Ралия Гарифуллина, Лилия Морадыймова һәм Нияз Закиров Татарстан Республикасы Рәисе каршындагы Дәүләт хезмәте һәм кадрлар департаменты җитәкчесе Александр Беловның һәм КФУның Дәүләт һәм муниципаль идарә югары мәктәбенең Рәхмәт хатлары белән бүләкләнделәр.
Татарстан Юстиция министрлыгы муниципаль берәмлекләр белән тыгыз элемтәдә тора. Мәсәлән, Альберт Ринат улы җитәкчелегендәге дүрт белгечтән торган бүлек җирле үзидарә органнарына җирле үзидарә турындагы законнарны куллану мәсьәләләре буенча консультатив-хокукый һәм оештыру-методик ярдәм күрсәтә.
2025 елда муниципаль хезмәткәрләр өчен 85 укыту чарасы үткәрелде, шул исәптән семинарлар, видео кабул итүләр һәм күчмә консультацияләр оештырылды. Шулай ук республиканың муниципаль берәмлекләренә җирле хакимият органнары эшенең нәтиҗәлелеген күтәрүгә ярдәм итүче 224 методик материал җибәрелде.
Бүлек үз эшендә Югары мәктәп аппараты белән тыгыз хезмәттәшлек итә, аның белән бергә Министрлык базасында “Коррупциягә каршы экспертиза. Норматив хокукый актлар проектларын эшләү” юнәлеше буенча квартал саен стажировкалар оештырыла. Соңгы биш елда 52 дәүләт хезмәткәре һәм 98 муниципаль хезмәткәр стажировка мәйданчыгында белем алды.
Моннан тыш, югары мәктәп тарафыннан оештырыла торган биш квалификация күтәрү программасын эшләүдә һәм гамәлгә ашыруда катнаштылар. Аларда, башкарма комитет җитәкчеләре урынбасарлары һәм авыл җирлекләре башлыкларын да кертеп, муниципалитетларның 600дән артык хезмәткәре белем алды.
Бүлекнең системалы эше муниципаль хезмәткәрләрнең һөнәри компетенцияләрен күтәрүгә генә түгел, ә тагын да тирәнрәк нәтиҗәгә дә китерә - муниципаль нормалар иҗат итү сыйфатына турыдан-туры йогынты ясый, муниципалитетларның хокукый өлкәсенең тотрыклылыгын тәэмин итә, коррупция куркынычларын киметә һәм Татарстан халкының законлы мәнфәгатьләрен нәтиҗәле тормышка ашыра.