Качаклар һәм мәҗбүри күченүчеләр түләүсез юридик ярдәм алу хокукы алды
Түләүсез юридик ярдәм турында федераль законга дәүләт хисабына хокукый ярдәм алу хокукы булган затлар исемлеген киңәйтә торган үзгәрешләр кертелде.
Хәзер исемлеккә:
- үзләрен мәҗбүри күчеп килүчеләр яки качаклар дип тануны үтенүче затлар;
- мәҗбүри күчеп килүчеләр яки качаклар дип танылган гражданнар; - РФ территориясендә вакытлыча сыену алган затлар өстәлде.
Күрсәтелгән категорияләргә керүчеләр түбәндәге мәсьәләләр буенча түләүсез юридик ярдәм сорап мөрәҗәгать итә алалар:
- социаль ярдәм чараларын алу;
- аларны мәҗбүри күчеп килүче яки качак статусында тану;
- вакытлыча сыену урыны алу;
- РФ гражданлыгын алу;
- юридик әһәмиятле фактлар билгеләү;
- югалган документларны торгызу.
Татарстан Республикасы юстиция министры Рөстәм Заһидуллин билгеләп үткәнчә, якын арада түләүсез юридик ярдәм турындагы республика законына төзәтмә характерындагы үзгәрешләр кертеләчәк.