Татарстан Республикасы Юстиция министрлыгы Бөтендөнья сәламәтлек көнен коллектив зарядка белән билгеләп үтте
Бүген Юстиция министрлыгы хезмәткәрләре көнне тән һәм рух өчен файдалы итеп башладылар. Бөтендөнья сәламәтлек көне уңаеннан Министрлыкта иртәнге коллектив зарядка узды.
Бөтендөнья сәламәтлек көне гадәттәгечә активлык - йөгерүләр, зарядкалар һәм акцияләр белән үрелеп бара. Татарстан Республикасы Юстиция министрлыгы файдалы трендтан читтә калмады.
Юстиция министрлыгының дистәләгән хезмәткәре эш көне алдыннан бергә җыелып күнегүләр ясадылар. Күнегүләр офис үзенчәлекләрен исәпкә алып сайланды - арка һәм муен өлешенә аерым игътибар бирелде.
Шунысы игътибарга лаек, Министрлыкның күп кенә бүлекләре өчен иртәнге физзарядка эш культурасының бер өлешенә әверелде. “Безнең һөнәрдә еш кына документларга чумабыз һәм хәрәкәт турында онытабыз. Ә бит активлык - ул ачык акыл һәм эшкә югары дәрәҗәдәге сәләтлелек”, - ди безнең коллегалар.