“Россия Федерациясендә җирле үзидарәне оештыруның гомуми принциплары турында” Федераль законга үзгәрешләр кертү хакында

2009 елның 7 маендагы 90-ФЗ номерлы Федераль закон нигезендә “Россия Федерациясендә җирле үзидарәне оештыруның гомуми принциплары турында” 2009 елның 6 октябрендәге 131-ФЗ номерлы Федераль законга (алга таба-Федераль закон) муниципаль берәмлекләрнең вәкиллекле органнары тарафыннан җирле үзидарә органнары җитәкчеләрен контрольдә тотуны көчәйтүгә кагылышлы үзгәрешләр кертелде.

Аерым алганда, 131-ФЗ номерлы Федераль законның 35 статьясы яңа нигезләмәләр белән тулыландырылган. Алар нигезендә муниципаль берәмлекләрнең вәкиллекле органнары вәкаләтләренә эшчәнлекләренең нәтиҗәләре турында муниципаль берәмлек башлыклары, җирле администрация башлыкларының еллык хисапларын тыңлау, шулай ук муниципаль берәмлек башлыкларын отставкага җибәрү турында карарны кабул итү керә.

131-ФЗ номерлы Федераль закон яңа 74,1 статья белән тулыландырылды. Аның нигезендә вәкиллекле орган карары буенча муниципаль берәмлек башлыкларын отставкага җибәрү тәртибе һәм нигезләмәсе билгеләнгән. Әлеге статья нигезендә вәкиллекле орган депутаты инициативасы яки Россия Федерациясенең югары вазыйфаи заты (РФ субъектының дәүләт хакимияте югары башкарма органының җитәкчесе) инициативасы буенча вәкиллекле орган тарафыннан муниципаль берәмлек башлыкларын отставкага җибәрү мөмкинлеге карала. 

Муниципаль берәмлек башлыкларын отставкага җибәрү өчен нигезләмәләр булып түбәндәгеләр санала: муниципаль берәмлек башлыкларының нәтиҗәлелеге (нәтиҗәсезлеге), җирле әһәмияткә ия мәсьәләләрне хәл итү һәм (яки) аерым тапшырылган дәүләт вәкаләтләрен гамәлгә ашыру бурычларының 3 яки берничә ай эчендә үтәлмәве.

Вәкиллекле орган депутатлары яки Россия Федерациясе субъектларының югары вазыйфаи затының инициативасы мөрәҗәгать буларак рәсмиләштерелергә тиеш. Ул муниципаль берәмлек башлыкларын отставкага җибәрү турындагы карар проекты белән бергә муниципаль берәмлекнең вәкиллекле органына кертелә. Вәкиллекле орган депутатлары тарафыннан күрсәтелгән инициатива алга чыгарылган очракта бу турыда муниципаль берәмлек башлыкларына һәм Россия Федерациясе субъектларының югары вазыйфаи затына хәбәр ителә.

Муниципаль берәмлек башлыкларын отставкага җибәрү турында вәкиллекле орган депутатларының инициативасын караганда җирле үзидарә органнары тарафыннан аерым тапшырылган дәүләт вәкаләтләрен гамәлгә ашыруны тәэмин итүгә һәм (яки) муниципаль берәмлек башлыкларының нәтиҗәлелегенә (нәтиҗәсезлегенә) кагылышлы, аяныч нәтиҗәләргә китергән, 131-ФЗ номерлы Федераль законның 75 статьясы 1 өлешендәге 2 һәм 3 пунктларында каралган мәсьәләләрне карау күздә тотыла.

131-ФЗ номерлы Федераль законның 74,1 статьясы нигезендә муниципаль берәмлек башлыкларын отставкага җибәрү турында вәкиллекле орган депутатлары яки Россия Федерациясе субъектларының югары вазыйфаи затының инициативасы вәкиллекле орган тарафыннан тиешле мөрәҗәгать кергән көннән бер ай эчендә карала дип билгеләнгән.

Бер үк вакытта әлеге статья нигезендә муниципаль берәмлек башлыкларын отставкага җибәрү турындагы мәсьәләләрне караганда муниципаль берәмлек башлыкларының хокук гарантияләре каралган. Шулай итеп, муниципаль берәмлек башлыкларына тиешле утырышны үткәрү вакыты һәм урыны алдан хәбәр ителергә, шулай ук вәкиллекле орган депутатлары яки Россия Федерациясе субъектларының югары вазыйфаи затының мөрәҗәгате белән алдан танышырга тиеш. Аннан тыш, аңа вәкиллекле орган депутатлары отставкага җибәрү өчен нигезләмәләрне алга чыгарган шартлар буенча аңлатма бирергә тиеш. Муниципаль район башлыгы үз фикерен язма рәвештә язып бирергә хокуклы. Ул әйтелгән карар белән бергә бастырып чыгарылырга (халыкка игълан ителергә) тиеш. Аннан тыш, муниципаль берәмлек башлыкларын отставкага җибәрү турында вәкиллекле орган депутатлары яки Россия Федерациясе субъектларының югары вазыйфаи затының инициативасы вәкиллекле орган тарафыннан кире кагылган очракта муниципаль берәмлек башлыкларын отставкага җибәрү турындагы мәсьәлә вәкиллекле орган карап тикшерүенә тапшырылган мәсьәлә каралган вәкиллекле орган утырышын үткәргән көннән ике айдан соң чыгарылырга мөмкин.

“Россия Федерациясендә җирле үзидарәне оештыруның гомуми принциплары турында” Федераль законга үзгәрешләр кертү хакында” 2009 елның 7 маендагы 90-ФЗ номерлы Федераль закон 2009 елның 13 маенда Россия газетасында (№4908) дөнья күрде. Ул 2009 елның 24 маенда көчкә керә.

 

Татарстан Республикасы Юстиция министрлыгының Матбугат үзәге