Татарстан Республикасы Министрлыклары Татарстан Республикасы Юстиция министрлыгы

Идарә кадрлары резервын формалаштыру турында

2009 елның 26 мае, сишәмбе

Россия Федерациясе Президентының Россия Федерациясе Федераль Җыенына 2009 елга Юлламасында муниципаль, региональ һәм федераль дәрәҗәләрне үз эченә алган идарә кадрлары резервын булдыру кирәклеге күрсәтелде. Шулай ук бу турыда Татарстан Республикасы Президентының Татарстан Республикасы Дәүләт Советына 2009 елга Юлламасында да әйтелгән иде.

Шуның белән бәйле рәвештә 25.02.2009 елда “Татарстан Республикасы идарә кадрлары резервын формалаштыру тәртибе турында” ПУ-97 номерлы Татарстан Республикасы Президенты Указы чыгарылды. Аның нигезендә Татарстан Республикасы муниципаль районнары һәм шәһәр окруклары башлыкларына үзләренең вәкаләтләре кысаларында Татарстан Республикасының тиешле муниципаль берәмлекләрендә идарә кадрлары резервын формалаштыру тәртибе турында нигезләмәне, Татарстан Республикасы муниципаль берәмлегендә идарә кадрлары резервын формалаштыруны оештыру буенча башка кирәкле муниципаль хокукый актларны эшләү һәм раслауны тәэмин итү тапшырылды.

Муниципаль вазыйфаларны биләп торучы затлар һәм муниципаль хезмәткәрләрнең кадр резервын формалаштыру шулай ук 02.02.2009 елдагы 63 номерлы Татарстан Республикасы Министрлар Кабинеты карары белән расланган Татарстан Республикасы Президентының Татарстан Республикасы Дәүләт Советына Юлламасын гамәлгә ашыру буенча 2009 елда Татарстан Республикасы Хөкүмәте гамәлләренең Комплекслы планына кертелгән чараларның берсе булып тора.

Югарыда күрсәтелгән норматив хокукый актлар нигезендә, шулай ук җирле үзидарә органнарына хокукый ярдәм күрсәтү максатларында Татарстан Республикасы Юстиция министрлыгы тарафыннан (муниципаль район, шәһәр округы) идарә кадрлары резервын формалаштыру тәртибе турында Нигезләмә һәм (муниципаль район, шәһәр округы) идарә кадрлары резервын формалаштыру Комиссиясе турында Нигезләмә эшләнде һәм муниципаль районнар (шәһәр окруклары) башлыкларына җибәрелде.

Әлеге Нигезләмәләр муниципаль районнар һәм шәһәр окрукларында идарә кадрлары резервын формалаштыруның төп төшенчәләрен һәм принципларын, шулай ук идарә кадрлары резервын формалаштыру Комиссиясе эшенең тәртибен, аның хокукларын һәм бурычларын ныгыталар.

Нигезләмәләр муниципаль районнар һәм шәһәр окрукларында идарә кадрлары резервын формалаштыру буенча нигезләмәләрне эшләү өчен ориентир буларак хезмәт итәргә тиешләр.

Татарстан Республикасы Юстиция министрлыгының Матбугат үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы Юстиция министрлыгы хезмәткәрләре үз ветераннарын искә алды

9 Май алдыннан, шулай ук Хәрби батырлык һәм хезмәт фидакарьлеге елын үткәрү буенча чаралар планын үтәү йөзеннән Татарстан Республикасы Юстиция министрлыгы хезмәткәрләре, күпьеллык традиция буенча, ведомствоның элеккеге җитәкчеләре, шул исәптән Бөек Ватан сугышында катнашучылар җирләнгән урыннарны тәртипкә китерделәр.

Мөлкәти булмаган характердагы таләпләрне үтәү буенча киңәшмә

Юстиция министры урынбасары Мөхәррәм Ибәтов җитәкчелегендә бурычлылар булып республика башкарма хакимият органнары, җирле үзидарә органнары, дәүләт һәм муниципаль учреждениеләр торган мөлкәти булмаган таләпләрне мониторинглау һәм суд карарларын үтәү буенча видеоконференция режимында киңәшмә узды.

Юриспруденция өлкәсендә республика премиясенә документлар тапшыру срогы тәмамланырга ике атна калды

Юриспруденция өлкәсендә Гавриил Романович Державин исемендәге премиягә республика конкурсына документлар кабул итү соңгы этабына якынлаша. Дәгъвачылар 2026 елның 23 маена кадәр гариза бирә ала. Бу хакта киңәшмә барышында юстиция министрының беренче урынбасары Илья Гомзик искәртеп узды.

май, 2026 ел

Татарстан Республикасы Юстиция министрлыгында җәмәгать судьяларының суд участокларын террорчылыктан яклау буенча семинар узды

Татарстан Республикасы Юстиция министрлыгында җәмәгать судьялары аппаратлары хезмәткәрләре өчен семинар-укыту узды. Семинар барышында суд участокларында куркынычсызлыкны оештыруга заманча алымнар каралды.

ЯҢАЛЫКЛАРГА ЯЗЫЛУ