Татарстан Республикасы Юстиция министрлыгы

Коррупциягә каршы дәүләт программасының үтәлешен тикшерү

2015 елның 27 мае, чәршәмбе

2015 елның 26 маенда Татарстан Республикасы Юстиция министрлыгының Мәгълүмати-аналитик эшчәнлек, координацияләү һәм планлаштыру бүлеге хезмәткәрләре Татарстан Республикасы Буа районында “Татарстан Республикасының коррупциягә каршы тору сәясәтен 2015-2020 елларда гамәлгә кую” дәүләт программасы чараларын үтәү буенча планга кертелгән тикшерүләр уздырды. Тикшерү барышында Буа муниципаль районы башлыгы каршындагы коррупциягә каршы тору комиссиясенең, хезмәткәрләргә булган таләпләрне үтәү һәм мәнфәгатьләр конфликтын җайга салу буенча комиссиянең эшләү мәсьәләләре каралды, 2015-2020 елларда коррупциягә каршы тору муниципаль программасы өйрәнелде, норматив хокукый актларга коррупциягә каршы экспертиза үткәрүне оештыру мәсьәләләре, шулай ук программаның башка чараларының үтәлеше каралды. “Татарстан Республикасы дәүләт хакимияте башкарма органнарының Интернет мәгълүмат-телекоммуникация челтәрендәге рәсми сайтларының коррупциягә каршы тору мәсьәләләре бүлекләрен урнаштыру һәм тулыландыруга карата бердәм таләпләрне раслау турында” Татарстан Республикасы Министрлар Кабинетының 4 апрелендәге 225нче номерлы карарына ярашлы рәвештә, Буа муниципаль районы рәсми сайтындагы “Коррупциягә каршы тору” бүлегенең формасы һәм эчтәлеге тиешле таләпләргә ни дәрәҗәдә җавап бирүенә дә игътибар ителде.

Тикшерүләрнең беренчел нәтиҗәләре буенча Буа муниципаль район башлыгы А.К.Айзатуллов, коррупциягә каршы эшчәнлек мәсьәләләре буенча муниципаль район башлыгы ярдәмчесе З.А.Шәйхаттарова һәм коррупциягә каршы тору буенча чараларны гамәлгә ашыруга җаваплы хезмәткәрләр белән фикер алышынды, коррупциягә каршы тору сферасында эшне камилләштерү буенча гомуми рекомендацияләр бирелде.

БАРЛЫК ЯҢАЛЫКЛАРНЫ УКУ