Республиканың муниципаль районнары белән торак-коммуналь хуҗалык мәсьәләләре буенча видеоконференция режимындагы киңәшмә

2015 елның 16 июнендә Татарстан Республикасының Төзелеш, архитектура һәм торак-коммуналь хуҗалык министрлыгында республиканың муниципаль районнары белән торак-коммуналь хуҗалык мәсьәләләре, шул исәптән, гражданнарны тузган торак фондыннан күчерүнең Республика адреслы программасын гамәлгә ашыру мәсьәләләре буенча, видеоконференция режимындагы киңәшмә үтте.

Киңәшмә эшендә Татарстан Республикасы юстиция министры урынбасары М.М.Ибәтов катнашты, ул гражданнарны тузган торактан күчергәндә законнарны саклау турында чыгыш ясады. Моннан тыш, М.М.Ибәтов муниципаль районнарның башкарма комитеты җитәкчеләренең игътибарын милек хуҗасыннан тузган торакны сатып алу процедурасы һәм дәгъва эшләре нәтиҗәләре турында тулы һәм төгәл мәгълүматны Татарстан Республикасы Юстиция министрлыгына җиткерү кирәклегенә юнәлтте.