Бердәмлектә көч!

2015 елның 20 маенда МВДның «Динамо» спорт базасында – шәһәрдән 14 км ераклыкта урнашкан экологик чиста урында - Татарстан Республикасы Юстиция министрлыгының беренчел профсоюз оешмасы хезмәткәрләре Татарстан АССР оешуының 95 еллыгына, Татарстан Республикасы Юстиция министрлыгы барлыкка килүнең 95 еллыгына һәм Татарстан Республикасы яңа дәүләтчелегенең 25 еллыгына багышланган массакүләм мәдәни чара оештырдылар.

Килүчеләр шәһәр шау-шуыннан читтә, гүзәл табигать кочагында рәхәтләнеп ял иттеләр, спорт уеннарында катнаштылар, эш өчен көч тупладылар. Министрлык хезмәткәрләре армрестлинг буенча көч сынаштылар, волейбол уйнадылар, аркан тартыштылар, күз бәйләп чүлмәк ваттылар. Җиңүчеләргә һәм ярышларның призерларына беренчел профсоюз оешмасының бүләкләре тапшырылды.

Татарстан Республикасы юстиция министры урынбасары М.М.Ибәтовның сарык итеннән аш пешереп күрсәтүе, Министрлыкның эшләр идарәчесе Н.И.Латыйповның пылау әзерләве чын мастер-класс һәм табигать кочагында оештырылган бәйрәмнең иң матур мизгелләре булгандыр.

Министр Л.Ю.Глухова коллективны берләштерүгә юнәлтелгән мондый чараларның әһәмиятен билгеләп үтте, аларның даими булуына ышаныч белдерде, коллективның көче – бердәмлектә булына басып ясады.