Коррупциягә каршы экспертизага биреләчәк документлар исемлеге киңәйтелгән

РФ Хөкүмәте 2010 елның 26 февралендәге 96 номерлы карары нигезендә норматив хокук актларына һәм аларның проектларына коррупциягә каршы экспертиза үткәрүнең яңа кагыйдәләрен һәм методикасын раслады.

Шундый документларның исемлеге киңәйтелгән. Әлеге исемлеккә муниципаль берәмлекләр уставлары һәм РФ субъектларының норматив хокук актлары. Уставларга һәм аларның үзгәртмәләр кертелгәннәренә дәүләт регистрациясе вакытында экспертиза үткәрелә, региональ актларга исә – кулану мониторингы вакытында. Яңа кагыйдәләр нигезендә коррупциягә каршы бәйсез экспертиза үткәрү өчен акт проекты аны эшләп чыгаручы тарафыннан рәсми сайтта урнаштырыла.

Шулай ук коррупциячел факторлар исемлегенә төзәтмәләр кертелгән. Бу исемлектән түбәндәге моментлар төшереп калдырылган: актта хөкүмәт органнары эшчәнлеге хакында мәгълүматны ачу нигезләмәләрнең булмавы, дәүләт хезмәткәрләре өчен тыю, чикләү һәм җаваплылык чаралары булмау, шулай ук дәүләт органнары эшчәнлеген һәм вазыйфаи затларны контрольдә тоту, шул исәптән җәмгыяви контрольдә тоту, норматив коллизияләр. Әмма исемлектә түбәндәге факторлар сакланган: дискрецион вәкаләтләрнең киңлеге, “хокуклы” формуласындагы компетенцияне билгеләү, хокук күләмен сайлап үзгәртү, артык ирекле законга ярдәмче нормалар чыгару, бәйгеләрдән (аукционнардан) баш тарту, юридик-лингвистик билгесезлек.