Нотариат институтын реформалау

Федерация Советында “Россия Федерациясе нотариатының бүгенге торышы һәм аны реформалау бурычлары” темасына “түгәрәк өстәл” уздырылды. Утырышта катнашучылар нотариат институты үсеше, нотариусның мөлкәти җаваплылыгы (страхование), корпоратив хокук мөнәсәбәтләрендә нотариатны бәхәсне булдырмау өчен файдалану мәсьәләләрен карадылар. Аерым алганда, катнашучылар “Россия Федерациясендә нотариат һәм нотариаль эшчәнлек турында” федераль закон проекты концепциясе хакында фикер алыштылыр.

Юстиция Министрлыгы эшләп чыгарган “Россия Федерациясендә нотариат һәм нотариаль эшчәнлек турында” федераль закон проект концепциясе бердәм оештыру-хокуки форма булдыруны күздә тота: бюджеттан тыш нотариат.

Концепция нотариатның активрак моделенә күчүен күздә тота. Бу модель нотариусларга, бүгенге көндә үтәлүче, таныкландыручы вазыйфалар гына йөкләп калмый. Актив модель кысаларында нотариат алдында барлык гражданнар әйләнешенең кызыксынучы вәкилләренә тигез шартларда, нотариаль тиешле документларны җыю вәкаләтенә ия булган комплекслы юридик ярдәм күрсәтү, барлык фактик составын актив эшчәнлек юлы белән тикшерү бурычы куела.          

Шундый ысул гражданнарны һәм оешмаларны документлар җыю мәсьәләсе белән хакимият органнарына, төрле арадашчыларга мөрәҗәгать итүдән ирекле итәчәк. Аерым алганда, нотариаль актка башкарма көч бирү, дәлилләү көчен закон тарафыннан ныгыту һәм нотариаль яктан документларны җәмгыяви тану, шулай ук күчемсез милек белән шартнамә булдыру вакытында нотариаль процедураларны актив файдалану күз алдында тотыла.

«Нотариат һәм нотариаль эшчәнлек хакында» яңа Федераль закон кабул итүдән тыш, Концепция гражданлык законнарын реформалауны, нотариусларның гражданнар әйләнешендә актив катнашуын, бу һөнәр ияләренә игътибарны арттыруны күз алдында тота.

 

www.Legis.ru