1941-1945 еллар Бөек Ватан сугышында җиңүгә 65 ел тулу уңаеннан бер

РФ Президенты 2010 елның 24 февралендәге 247 номерлы “1941-1945 елллар Бөек Ватан сугышында җиңүгә 65 ел тулу уңаеннан Россия Федерациясе гражданнарының аерым категорияләренә бер генә тапкыр түләнә торган акча турында” Указы нигезендә Россия территориясендә даими яшәүче гражданнарның аерым категориялярен бер генә тапкыр бирелә торган акча белән тәэмин итү карары кабул ителгән.

Бөек Ватан сугышы инвалидларына, Бөек Ватан сугышында катнашкан ветераннарга, блокадникларга, транспорт флотының судно экипажлары вәкилләренә, Бөек Ватан сугышы башында башка илләр портларында кулга алынып бер җиргә дә җибәрмичә тотылганнарга, сугыштан соңгы объектларда хезмәт күрсәткән, хәрәкәттәге фронт тылы (аларның операцион зонасы) чигендәге хәрби объектлар төзүдә катнашкан, тимер юл һәм автомобиль юлларының фронт алды кишәрлекләрендә эшләгән затларга 5 мең сум акча биреләчәк. Шундый ук күләмдәге акча элекке балигъ булмаган концлагерь,гетто һәм Икенче бөтендөнья сугышы дәверендә фашистлар, аларның кардәшләре тарафыннан булдырылгын башка иректән мәхрүм итеп тоту урыннарының әсирләренә, Финляндия, Япония белән сугышта, Бөек Ватан сугышы дәверендә вафат булган хәрби хезмәткәрләрнең, инде бүгенге көндә дөнья куйган Бөек Ватан сугышы инвалидлары һәм катнашучылырның тол хатыннарына дә тапшырылачак.

1941 елның 22 июненән алып 1945 елның 9 маена кадәрге дәвердә тылда 6 айдан да ким булмага чорда (СССР ның вакытлыча оккупацияләнгән территорияләрендә эшләгән вакытны кертмичә) хезмәт күрсәткән Бөек Ватан сугышы ветераннарына яисә Бөек Ватан сугышы дәверендә фидакарь хезмәт күрсәткән СССР орденнары, медальләре белән бүләкләнгән затларга 1-әр мең сум акча бирәчәкләр. Шундый ук акча күләме элекке балигъ булган нацист концлагере, зиндан һәм гетто әсирләренә дә тиешле.

Әлеге акчалар 2010 елның апрелендә РФ Хакимияте билгеләгән тәртиптә түләнеләчәк. Шулай ук аңа чыгымнарны (китерү чыгымнарын кертеп) каплауга юнәлдерелгән финанслауны тәэмин итү йөкләнгән.

Указ имзаланган көненнән үк үз көченә керә.

Указ “Российская газета”ның 2010 ел 26 февралендәге 40 номерында бастырып чыгарылган.

 

«Гарант» компаниясе материаллары буенча әзерләнде