Дәүләт (муниципаль) учреждениеләрнең хокуки нигезләмәсен үстерү турында

2010 елның 12 февралендә Россия Федерациясе Федераль Җыенының Дәүләт Думасы беренче укылышта “Дәүләт (муниципаль) учреждениеләрнең хокуки нигезләмәсен үстерү нигезендә Россия Федерациясенең аерым закон чыгаручы актларына үзгәрешләр кертү турында” Федераль закон проектын кабул итте.

Россия Федерациясе Хакимиятенең 05.03.2010 елгы 296-р номерлы карары нигезендә Россия Федерациясе субьектларының дәүләт хакимияте органнарына “Дәүләт (муниципаль) учреждениеләрнең хокуки нигезләмәсен үстерү нигезендә Россия Федерациясенең аерым закон чыгаручы актларына үзгәрешләр кертү турында” Федераль законның рәсми рәвештә басылып чыккан көненнән алып 10 көн эчендә әлеге Федераль законның тиешле Россия Федерациясе субьектларында гамәлгә ашырылуы буенча чаралар планнарын раслау вазыйфасы йөкләнгән.

Татарстан Республикасы Министрлар Кабинетының 01.03.2010 елгы 285-р карары нигезендә каралган чараларны гамәлгә ашыру максатында дәүләт идарәсе системаны һәм дәүләт учреждениеләренең хокуки нигезләмәсен үстерү Планы расланган һәм эшче төркем булдырылган.

Эшче төркемнең эшчәнлеге юнәлешләренең берсе булып Россия Федерациясе субьектлары бюджет һәм казна учреждениеләренең хокуки нигезләмәләрен федераль законнар белән тәңгәллеккә китерү максатында кабул ителгән норматив хокук актларын эшләп чыгару тора.

Таләп ителгән норматив хокуки актларны эшләп чыгаруны экспертлар тарафыннан алып баруны һәм хокуки актлар проектларын эшләп чыгаручыларга тиешле методик ярдәм күрсәтүне Татарстан Республикасы юстиция Министрлыгы тәэмин итә.

 

ТР юстиция Министрлыгының Матбугат үзәге