Россия Федерациясе уку йортлары өчен лицензияләр срогы чикләнмәячәк

Россия уку йортлары өчен срогы чикләнмәгән лицензияләр моңа кадәрге бишьеллыклыларны алмаштырачак. Моңа тәңгәл килүче премьер-министр Владимир Путин имзалаган Россия Федерациясе хакимияте карары дүшәмбе көнне Ак йорт сайтында урнаштырылды.

Әлеге документта: “Контроль-күзәтү функцияләрен камилләштерү һәм мәгариф даирәсендә дәүләт тарафыннан хезмәт күрсәтүне оптимизацияләү максатында белем бирү эшчәнлеген алып бару хокукына срогы чикләнмәгән лицензия бирү зарур дип танырга,” – дип әйтелгән.

Моннан тыш, белем бирү эшчәнлеген лицензияләү һәм белем бирү учреждениеләрен, фәнни оешмаларны дәүләти аккредитацияләү сроклары ике тапкыр кыскартылычак (90-нан 45, 210-нан 105 көнгә кадәр тәңгәлләштереп)

Хакимият тарафыннан, шулай ук, лицензия һәм дәүләти аккредитация таныклыгы алганда теркәлә торган документлар исемлеген кыскартырга тәкъдим ителде.

Карар нигезендә лицензияләү һәм белем алу турындагы документларны, гыйльми дәрәҗәләрне раслау вакытында экспертиза үткәрү һәм гариза бирүче тарафыннан лицензияләү һәм белем алу турындагы документларны, гыйльми дәрәҗәләрне раслау вакытында экспертиза үткәрү өчен тотыла торган чыгымнарны (тиешле юридик мәгънәле эшчәнлек үткәрү өчен дәүләт пошлинасы күләмен аныклау белән) кайтару тәҗрибәсе бетерелгән.

Рособрнадзор башлыгы Любовь Глебова элек хәбәр иткәнчә, беренче мәртәбә лицензия алучы югары уку йорты банк аша 2,6 мең сум күләмендә, лицензиягә ия булган югары уку йорты бу документны яңарту өчен 200 сум дәүләт пошлинасы түләргә тиеш.

Шулай ук гариза бирүче тарафыннан белем бирү учреждениеләренә һәм фәнни оешмаларга дәүләти аккредитация үткәрүгә тотыла торган чыгымнарны кайтару тәҗрибәсе бетерелә һәм белем бирү учрежденияләренең төрләре буенча (укыту программалары дәрәҗәләре буенча) дифференциацияләнгән тиешле юридик мәгънәле эшчәнлекне гамәлләштерү өчен дәүләт пошлинасы билгеләнә.

Документтан күренгәнчә, белем бирү, гыйльми дәрәҗә документларын раслау буенча дәүләт тарафыннан күрсәтелгән хезмәт территориаль яктан һәркем өчен үтемле булырга тиеш. РФ тиешле вәкаләтләре РФ субьектларының дәүләт хакимияте органнарына тапшырылган.

Февраль ае башында Путин югары уку йортларын тәмамлаучылар өчен дипломнары һәм фәннәр кандидатлары, докторларының таныклыклары дубликатларын бирү системасын децентрализацияләштерегә тәкъдим итте. Әлеге документларны яшәгән регионда ук алырга мөмкин. Хәзерге вакытта РФ яшәүчеләр дипломнарын югалткан очракта, аның дубликатын Мәскәү шәһәренә барып кына ала алалар. Дипломның дөреслеген раслау өчен, мәсәлән, дипломлы белгечне эшкә алганда, - шулай ук Мәскәүдә генә мөмкин. Чаралар планы нигезендә мәгърифәт өлкәсендә контроль-күзәтү функцияләрен үстерүгә кагылышлы закон проекты март аенда Дәүләт Думасына, “Эшчәнлекләрнең аерым төрләрен лицензияләү турында” закон проекты яңа редакциясендә РФ хакимиятенә кертелергә тиеш.

 

РИА Хәбәрләр