Казан шәһәре 39 номерлы мәктәбендә “Хокукый сәгать”

2010 елның 5 апреле, дүшәмбе
Бүген Казан шәһәре Вахитов районының 39 номерлы гомуми белем бирү мәктәбендә “Хокукый сәгать” уздырылды. Татарстан Республикасы юстиция министры, Россия юристлары Ассоциациясенең Татарстан региональ бүлеге җитәкчесе М.М.Курманов инициативасы белән ТР юстиция Министрлыгы җитәкчеләре һәм белгечләре, Россия юристлары Ассоциациясенең региональ бүлеге вәкилләре 9-11 сыйныф укучылары өчен “Хокукый сәгать” үткәрделәр.
Җитәкчеләр, бүлек башлыклары, закон проектлары белән эшләү бүлеге, Татарстан Республикасы норматив хокукый актларының бердәм банкы бүлеге белгечләре, РЮА региональ бүлегенең аппарат җитәкчесе – барлыгы 11 кеше югары сыйныф укучыларына илебезнең, Татарстан Республикасының Төп Законын - Россия Федерациясе Конституциясен һәм Татарстан Республикасы Конституциясен кабул итү процедурасы турында, дәүләт хакимияте һәм җирле үзидарә органнары системасы хакында, сайлау системасы һәм юристлар катнашкан төрле хезмәт юнәлешләре турында сөйләделәр.
Балалар Министрлыкның практик хезмәткәрләрен кызыксыну белән тыңладылар, юрист эшчәнлеге, юрфакта уку, эшкә урнашу, Министрлык һәм хокук саклаучы органнар эшчәнлеге белән бәйле кызыксындырган сорауларын бирделәр. Дәрес барышында юристлар һәм мәктәпне тәмамлаганнан соң һөнәр сайлау мәсьәләсе алдында торучы укучылар арасында үзара файдалы диалог булдырылды.
Министрлыкның практик хезмәткәрләре белән очрашуның файдалылыгын педагоглар гына түгел, укучылар да ассызыклады.
Министрлыкның эшләре белән идарә итүче, шул вакытта Әфганстан сугышында катнашкан, юстиция министрының урынбасары белән очрашу еш була ала торган хәл түгел, ләбаса. Иң мөһиме, иң кыйммәтлесе, аңа үзеңнең тормышта әллә кайчаннан бирле кызыксындырган хокукый соравыңны бирү. Аерым алганда, армия сафларында хезмәт итү, суд эшчәнлеге, судьяларның кагылсызлыклары, юристларның эшкә урнашулары һ.б. турында.
 
ТР юстиция Министрлыгының Матбугат Үзәге
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International