Медведев автомобиль утилизациясе өчен бирелә торган премиядән алынучы НДФЛ юкка чыгарды

Сишәмбе көнне Кремль матбугат хезмәте хәбәр иткәнчә, Россия Президенты Дмитрий Медведев гражданнарны иске автомобильләрен утилизацияләүгә тапшырган өчен дәүләт тарафыннан бирелгән акчаларга каралган физик затларның керемнәренә кагылучы налогны түләүдән ирекле итү турындагы федераль закон имзалады.

Иске автомобильләрне утилизацияләү буенча эксперимент 8 март көненнән үк автопарк тупланышы югары булган 49 регионда эшли башлады һәм 2010 елның 1 нояберенә кадәр дәвам итәчәк. Әлеге программа кысаларында һәр россия гражданы ун елдан олы булган автомобилен утильгә тапшырганнан соң Россиядә җыелган яңа машина сатып алу өчен 50 меңлек сертификат алу хокукына ия. РФ Салым кодексына шушы төзәтмәләр кертелмәсә, 13% күләмендәге – бу 6,5 мең сум, “стандартлы” салым түләү вазыйфасы хасил булыр иде.

Президент имзалаган закон белән шулай ук даруларны һәм күчемсез милек хокукын дәүләти теркәү өчен каралган пошлина билгеләнә.

Бүгенге көндә даруларны дәүләти теркәү пошлинасы - 2 мең сум, экспертиза эшләре алып бару өчен түләү шартнамә нигезендә булдырыла. Хакимият башлыгы тарафыннан имзаланган Салым кодексына төзәтмәләр медицинада кулланылучы даруларны дәүләти теркәү өчен пошлина күләмен 300 мең сум дип билгели. Шул ук вакытта дәүләти теркәү ике өлештән хасил: клиник тикшерү һәм этик эксертиза үткәрү өчен рөхсәт итү документларына экспертиза үткәрү өчен – 75 мең сум, медицина максатларында кулланылучы дарулар сыйфатына экспертиза үткәрү өчен – 225 мең сум.

Моннан тыш, РФ территориясендә 20 елдан артык файдалыначак даруларга экспертиза үткәрү өчен пошлина күләме 30 мең сум тәшкил итәчәк. Әгәр даруларга халыкара клиник тикшерүләр үткәрелгән булса, шул исәптән Россия Федерациясендә, пошлина күләме 225 мең сум булачак.

Даруның ветеринар кулланылышы сыйфатлылыгын тикшерү өчен 150 мең сум пошлина түләргә кирәк булачак.

Медицинада кулланылачак даруларга дәүләт экспертизасы үткәрү өчен пошлина күләме 100 мең сум булачак, ветеринария дарулары өчен – 50 мең сум.

Даруларны медицинада куллану буенча инструкцияләргә үзгәрешләр керткәндә 50 мең сум дәүләт пошлинасы түләргә кирәк булачак, медицинада кулланылачак дарулар составына үзгәрешләр кертү өчен - 100 мең сум.

Халыкара клиник тикшерүне алу өчен 200 мең сум пошлина түләргә кирәк булачак.

Моннан тыш, РФ президенты имзалаган документ эшсез гражданнарга эш табуда ярдәм итү һәм эшсезләрне хезмәтле итү, эш урыннары белән тәэмин итүне стимуллаштыру өчен бүлеп бирелгән түләүләргә салым йөкләү тәртибен билгели.

Үзгәрешләр РФ Салым кодексының 2 бүлегенә һәм аерым закон чыгаручы актларга кертеләләр.

Закон Дәүләт Думасы тарафыннан 2010 елның 26 мартында кабул ителде, Федерация Советы тарафыннан агымдагы елның 31 мартында расланды.

 

РИА Новости