ЯҢАЛЫКЛАР

2017 елның 24 октябрендә Татарстан Республикасы юстиция министры Р.И. Заһидуллин Татарстан Республикасының Апас муниципаль районында Татарстан Республикасы Конституциясе кабул ителүгә 25 ел тулуга багышланган лекция уздырды. Чарада район җитәкчеләре, авыл җирлекләре башлыклары, белем бирү учреждениеләре җитәкчеләре һәм районның муниципаль хезмәткәрләре катнашты.

2017 елның 23 октябрендә Татарстан Республикасы юстиция министрының беренче урынбасары А.Г. Галимов тарафыннан республиканың Тукай һәм Яңа Чишмә муниципаль районнарында Татарстан Республикасы Конституциясе кабул ителүгә 25 ел тулуга багышланган лекцияләр укылды.

2017 елның 20 октябрендә Татарстан Республикасы Юстиция министрлыгында хокукый мәсьәләләр буенча ведомствоара координацияләү комитетының Экспертлар советы утырышы булды. Утырышны Татарстан Республикасы юстиция министры Р.И.Заһидуллин алып барды.

2017 елның 20 октябрендә  Лениногорскның Лениногорск шәһәр суды һәм җәмәгать судьяларының 4 участогы урнашкан  Гадел хөкем йортында  янгын куркынычсызлыгы буенча өйрәнүләр узды. Аның кысаларында шартлы янгын чыккан очракта һәм кешеләрне эвакуацияләгән чакта кирәкле күнекмәләр ныгытылды.

2017 елның 19 октябрендә Татарстан Республикасы юстиция министры Р.И.Заһидуллин Татарстан Республикасы Конституциясенең 25 еллыгына багышланган ачык лекция уздырды.

2017 елның 19 октябрендә Татарстан Республикасы Юстиция министрлыгында “HR-практикум” стажировкасында катнашучылар белән очрашу узды. Ул Россия Федерациясенең сигез субъектының (Волгоград, Ростов, Тамбов һәм Ленинград өлкәләре, шулай ук Ставрополь крае, Кырым, Башкортостан һәм Марий Эл) дәүләт хакимияте органнарының һәм җирле үзидарә органнарының кадрлар хезмәте хезмәткәрләре өчен оештырылган иде.

2017 елның 19 октябрендә Татарстан Республикасы Юстиция министрлыгында Татарстан Республикасы юстиция министры урынбасары Н.В.Рагозина рәислегендә Татарстан Республикасы җәмәгать судьялары аппаратлары хезмәткәрләре арасында “Үз профессиясендә иң яхшысы” конкурсын оештыру һәм уздыру буенча комиссия утырышы узды. 

2017 елның 18 октябрендә Татарстан Республикасы Иҗтимагый палатасы тарафыннан “Балаларның мәнфәгатьләрен яклауда һәм балигъ булмаганнарның үзүзләрен хокукый булмаган тотышларын профилактикалауда гражданнар җәмгыяте институтлары ресурслары” темасына түгәрәк өстәл утырышы узды.

2017 елның 16 октябрендә Татарстан Республикасы Дәүләт Советының Дәүләт төзелеше һәм җирле үзидарә буенча комитет утырышы узды.

2017 елның 16 октябрендә Татарстан Республикасы юстиция министрының беренче урынбасары А.Г.Галимов рәислегендә Татарстан икътисадына федераль бюджеттан акчалар җәлеп итү мәсьәләсе буенча  5 нче эшче төркем утырышы узды.