2012 елның 1 гыйнварыннан Дәүләт Думасы хәрби хезмәткә чакырылудан кичектерү мәсьәләсе белән шөгыльләнәчәк

Депутатлар В.М.Заварзин, Г.А.Балыхин, Н.И.Булаев “Хәрби бурыч һәм хәрби хезмәт турында” Федераль законның 24 статьясына үзгәреш кертү хакында” ике закон проектын Дәүләт Думасына керттеләр, аның нигезендә югары уку йортыннан соң һөнәри белем алучы гражданнарга 2012 елның 1 гыйнварыннан хәрби хезмәткә чакырылудан вакытлыча кичектерү кертү тәкъдим ителә.

“Хәрби бурыч һәм хәрби хезмәт турында” Федераль законның 24 статьясына үзгәреш кертү хакында” закон проектының беренчесе нигезендә 2012 елның 1 гыйнварыннан хәрби хезмәткә чакырылудан кичектерү, белем бирү учреждениеләренең югары уку йортыннан соң һөнәри белем бирү программалары буенча дәүләт аккредитациясе булу-булмавына карамастан, югары уку йортыннан соң һөнәри белем алучы гражданнарга бирелә.

Закон проекты авторларының берсе В.Заварзин белдергәнчә: “Законнарда 2011 елның 1 гыйнварыннан дәүләт аккредитациясе югары уку йортыннан соң һөнәри белем бирү программалары буенча гына түгел, шулай ук әлеге программаларны гамәлгә ашыручы фәнни оешмаларга да кагыла. Шул ук вакытта белем бирү учреждениеләрен һәм фәнни оешмаларны дәүләт аккредитацияләве үзләре тарафыннан гамәлгә ашырыла торган һәр белем бирү программасы буенча үткәрелми, төп һөнәри белем бирү программаларына караган әзерлек һәм белгечлек юнәлешләренең гомумиләштерелгән төркемнәре буенча үткәрелә.  Әмма бүгенге көнгә әлеге учреждениеләрне үзләрендә гамәлгә ашырыла торган югары уку йортыннан соң һөнәри белем бирү программалары буенча дәүләт аккредитацияләве барышы төгәлләнмәгән, шунлыктан өстәмә вакыт кирәк булыр”.

Ошбу сәбәпле, закон проектында аның көченә керү вакыты – 2013 елның 1 гыйнварыннан дип күрсәтелгән.

Әлеге закон проектын тәңгәл исемле, тиңдәш рәвештә кертелгән закон проекты белән аналогиядә карау зарур. Шул рәвешле, аспирантлар, белем бирү учреждениеләренең югары уку йортыннан соң һөнәри белем бирү программасы буенча дәүләт аккредитацияләре булу-булмавына карамастан, 2012 елның 1 гыйнварыннан 2013 елның 1 гыйнварына кадәр хәрби хезмәткә чакырылудан вакытлыча кичектерелү хокукына ия булалар. 2013 елның 1 гыйнварыннан әлеге хокук фәкать дәүләт аккредитациясе булган очракта гына биреләчәк.

Шул ук вакытта әлеге закон проектларының һәркайсы көченә кергәнче хәрби хезмәткә чакырылудан вакытлыча кичектерү алган гражданнар аннан тулаем уку вакыты дәвамында файдалана алачаклар.

 

Legis.ru