Дәүләт органнары эшчәнлеге турында мәгълүмат алган өчен түләү билгеләнде

РФ Хөкүмәтенең 2011 елның 24 октябрендәге 860 номерлы карары нигезендә Дәүләт органнары һәм җирле үзидарә органнары эшчәнлеге турында мәгълүмат биргән өчен түләү алу кагыйдәләре расланды.

Дәүләт органнары эшчәнлеге турында мәгълүмат биргән өчен түләү түбәндәге очракларда алына:

Соратып алына торган һәм алынган мәгълүматның күләме А4 форматагы 20 биттән, А3 форматтагы 10 биттән, А2 форматтагы 5 җиттән, яисә А2 форматыннан зуррак форматтагы 1 биттән (мәгълүмат кәгазь рәвешендә бирелсә) һәм 1 мегабайттан (мәгълүмат электрон рәвештә бирелсә) арткан очракта, соратып алына торган документларның һәм (яисә) материалларның күчермә нөсхәләрен әзерләүгә чыгымнарны, шулай ук аларны почта аркылы җибәрү чыгымнары исәпкә алып түләү күләме билгеләнә.

Соратып алына торган мәгълүмат күләме әлеге Кагыйдәләрнең 2 пунктында билгеләнгән күләмнән арткан очракта, соратып алына торган документларның һәм (яисә) материалларның күчермә нөсхәләрен әзерләү чыгымнары мәгълүматтан файдаланучыга түбәндәге күләмнәрдә түләнә:

соратып алына торган мәгълүмат дәүләт органында А4 форматтагы кәгазь нөсхәдә сакланган очракта, соратып алына торган мәгълүматның һәр өстәмә бите яисә мәгълүмат электрон рәвештә бирелсә һәр өстәмә мегабайт өчен 10 сум күләмендә;

соратып алына торган мәгълүмат дәүләт органында һәм җирле үзидарә органында А3 форматтагы кәгазь нөсхәдә сакланган очракта, соратып алына торган мәгълүматның һәр өстәмә бите өчен 20 сум күләмендә;

соратып алына торган мәгълүмат дәүләт органында һәм җирле үзидарә органында А2-А0 форматындагы кәгазь нөсхәдә сакланган очракта, соратып алына торган мәгълүматның һәр өстәмә бите өчен 100 сум күләмендә;

соратып алына торган мәгълүмат дәүләт органында А0 форматыннан арткан кәгазь нөсхәсендә сакланган очракта, соратып алына торган мәгълүматның һәр өстәмә бите өчен 1000 сум күләмендә билгеләнгән.

Мәгълүматтан файдаланучы теләге буенча кәгазь нөсхәсендәге яисә компьютер җыелма җиһазына (компьютерның каты дискы, USB-җыю җиһазы һ.б.) язылган мәгълүматтан файдаланучыга турыдан-туры дәүләт органында яисә җирле үзидарә органында әлеге органнарда билгеләнгән тәртиптә тапшырыла.

Кәгазь нөсхәсендә соратып алына торган документлар һәм (яисә) мәгълүматлар күрсәтелгән күләмнән артса һәм соратып алына торган мәгълүмат аннан файдаланучыга почта аркылы җибәрелгән очракта, мәгълүматтан файдаланучыга әлеге документларның һәм (яисә) материалларның күчермә нөсхәләрен почта аркылы җибәрү белән бәйле чыгымнар мәгълүматтан файдаланучы тарафыннан тулы күләмдә түләнә һәм, почта элемтәсе операторы һәм почта элемтәсе хезмәтләреннән файдаланучы арасында гайресе билгеләнмәгән очракта, дәүләт органында яисә җирле үзидарә органында мөрәҗәгатьнең теркәлү көненә универсаль почта элемтәсе хезмәтләрен күрсәтүгә гамәлдәге тарифлар нигезендә исәпләнә.

Электрон рәвештә соратып алына торган мәгълүмат билгеләнгән күләмнән арткан очракта, ул компьютер җыелма җиһазына языла.

Компьютер җыелма җиһазы мәгълүматтан файдаланучы тарафыннан бирелгән һәм әлеге җиһазга язылган мәгълүмат аннан файдаланучыга почта аркылы җибәрелгән очракта, компьютер җыелма җиһазын почта аркылы җибәрү чыгымнары һәм, почта элемтәсе операторы һәм почта элемтәсе хезмәтләреннән файдаланучы арасында гайресе билгеләнмәгән очракта, дәүләт органында яисә җирле үзидарә органында мөрәҗәгатьнең теркәлү көненә универсаль почта элемтәсе хезмәтләре күрсәтүгә гамәлдәге тарифлар мәгълүматтан файдаланучы тарафыннан түләнә.

Мәгълүматтан файдаланучы компьютер җыелма җиһазын дәүләт органына бирмәгән очракта, әлеге җиһаз бәясе мәгълүмат биргән өчен тәләү бәясенә кертелә.

Дәүләт органнары эшчәнлеге турында мәгълүмат биргән өчен түләү алынса, мәгълүматтан файдаланучыга аның мөрәҗәте теркәлү көненнән 7 эш көне эчендә әлеге хакта хәбәр ителә.

Мәгълүматтан файдаланучы дәүләт органы эшчәнлеге турында мәгълүмат биргән өчен түләүне РФ бюджет системасына керемнәрне исәпкә алу һәм аларны РФ бюджет системасы бюджетлары арасында бүлү өчен Территориаль федераль казначылык органы өчен ачылган исәп-хисап счетына күчерүне гамәлгә ашыра.

Дәүләт органнары һәм җирле үзидарә органнары эшчәнлеге турында түләүле нигездә бирелә торган мәгълүмат мәгълүматтан файдаланучы тарафыннан әлеге мәгълүмат өчен акча түләнгәч җибәрелә (бирелә).