Экспертлар Советы утырышы

2011 елның 2 ноябрендә Татарстан Республикасы Юстиция министрлыгында Хокук мәсьәләләре буенча ведомствоара координация комитетының экспертлар советы утырышы үтте. Аның барышында 7 закон проекты тикшерелде, шуларның 5 се – “Россия Федерациясе субъекты милкендәге яисә муниципаль милектәге, кече һәм урта эшкуарлык субъектлары тарафыннан арендалана торган күчемсез милекне бүлеп бирү үзенчәлекләре турында һәм Россия Федерациясенең аерым закон актларына үзгәрешләр кертү хакында” Федераль законның 3 һәм 10 статьяларына үзгәрешләр кертү турында” федераль закон проекты, “Административ хокук бозулар турында Татарстан Республикасы Кодексының 8.1 статьясына үзгәрешләр кертү хакында”, “Татарстан Республикасында дәүләт-шәхси партнерлык турында” Татарстан Республикасы Законына үзгәрешләр кертү хакында”, “Татарстан Республикасы Иҗтимагый палатасы турында” Татарстан Республикасы Законына үзгәрешләр кертү хакында”, “Татарстан Республикасы дәүләт граждан хезмәткәрләренә мәҗбүри дәүләт иминияте буенча түләүләр турында” Татарстан Республикасы законы проектлары – Экспертлар советы карары нигезендә хупланды һәм Хокук мәсьәләләре буенча ведомствоара координация комитетының якындагы утырышының көн тәртибенә кертелде.

“Инвалидларга һәм социаль яклауга аеруча мохтаҗ гражданнарга эш урыннарын квоталау һәм резервлау турында”, “Татарстан Республикасында муниципаль берәмлекләрнең җирле үзидарә органнарына административ хокук бозулар турындагы беркетмәләрне төзүгә вәкаләтле вазыйфаи затлар исемлеген билгеләү буенча Татарстан Республикасы дәүләт вәкаләтләрен бирү турында” Татарстан Республикасы законы проектлары Татарстан Республикасы Президентының Дәүләт-хокук идарәсе, Татарстан Республикасы Дәүләт Советының Хокук идарәсе, Татарстан Республикасы Министрлар Кабинетының Хокук идарәсе тәкъдимнәрен исәпкә алып эшләп бетерүгә җибәрелде һәм Экспертлар Советының чираттагы тикшерүенә кертеләчәк.

 

ТР Юстиция министрлыгы Матбугат хезмәте