Отставкага чыккан судьяга ялга чыгу пособиесе арттырыла

2011 елның 9 ноябрендә Федерация Советы “Россия Федерациясе Салым кодексының икенче өлешенә, “Россия Федерациясендә судьялар статусы турында” Россия Федерациясе Законының 15 статьясына үзгәрешләр кертү һәм Россия Федерациясенең аерым закон актларының көчләрен югалтуларын тану хакында” Федераль законны хуплады.

“Россия Федерациясендә судьялар статусы турында” Законына үзгәреш кертелә. Аның нигезендә отставкага чыккан судьяга ялга чыгу пособиесе арттырыла. Сенатор фикеренчә, бу судьяларга физик затлар кеременә күрсәтелгән пособие өлешеннән түләнә торган салымны компенсацияләү мөмкинлеген бирә.

Моннан тыш, өстәлгән кыйммәткә салым салынырга тиеш булмаган хезмәтләр күрсәтү составы тәгаенләнә, үзйөрешле машиналарга техник күзәтү талонын биргән өчен дәүләт пошлинасы билгеләнә, эшләүче пенсионерларга исә узган өч салым чорына тотып калынган мөлкәти акчаны күчерү рөхсәт ителә.

Моннан тыш, балалары булган гаиләләргә салым буларак тотып калынган акчаны кайтару күләме арттырыла – 2012 елның 1 гыйнварыннан әлеге сумма беренче һәм икенче баланың һәрберсенә 1400әр сумны тәшкил итәчәк. Өченче һәм аннан соң туган балалы гаиләләр һәр бала өчен 3000 сумны кайтарып алу хокукына ия булачак. Әлеге сумма шулай ук 18 яшькәчә инвалид балалар һәм 24 яшькәчә I һәм II группа инвалидларына, көндезге бүлектә укучы студентларга, аспирантларга, ординаторларга һәм интерннарга биреләчәк.

 

 Legis.ru