Яшь юристлар советы утырышында

Татарстан Республикасы Юстиция министрлыгында Россия юристлар ассоциациясенең Татарстан төбәк бүлеге Яшь юристлар советының чираттагы утырышы булды. Анда “Хокук мәктәбе” проекты кысаларында лекцияләр үткәрү, Казан шәһәрендәге югары уку йортларында юридик үзәкләр эше һәм һөнәри бәйрәм – Юристлар көнен уздыруга әзерлек белән бәйле мәсьәләләр турында фикер алышынды.

Билгеле булганча, 2004 елдан алып һәр ел саен 9 декабрьдә Халыкара коррупциягә каршы көрәш көне билгеләп үтелә. Яшь юристлар бу көн уңаеннан “Хокук мәктәбе”ндә хокук буенча лекцияләр үткәрергә уйладылар. 9 декабрьдә “Хокук мәктәбе”нең Яшь юристлар советы составындагы лекторлары Казан шәһәренең һәм бер республика районының 9-11 сыйныфлар укучылары белән очрашалар. Совет утырышында шулай ук Казан шәһәренең һәм республика муниципаль районнарының югары сыйныф укучылары белән РФ Конституциясе көненә багышланган хокук сәгатьләрен үткәрергә дигән карарга килделәр.

Аннары утырышта катнашучылар Казан шәһәре вузларының юридик үзәкләре эшендәге проблемалар турында фикер алыштылар. Сөйләшү нәтиҗәләре буенча бу темага халыкка юридик ярдәм күрсәтүче вузларның җитәкчеләре, укытучылары һәм студентлары катнашында киңәйтелгән “түгәрәк өстәл” утырышын үткәрү турында карар кабул ителде. Чара киләсе елның башында булыр дип көтелә.

Яшь юристлар советы әгъзалары Юристлар көнен билгеләп үтүгә әзерлек мәсьәләре турында киңәшләштеләр, аерым алганда, Юристлар ассоциациясенең яшь буыны Татарстан Республикасында фемида хезмәткәрләренең һөнәри бәйрәмнәрен үткәрү буенча тәкъдимнәр кертте. Утырышта Советның рәисе Станислав Александров һәм аның урынбасары Илнар Гирфановның Россия юристлар ассоциациясе Үзәк аппаратыннан 2011 елның 3 декабре - юристлар көнен бәйрәм итү көнендә Мәскәү шәһәрендә узачак “Ел юристы – 2011” тантанасына чакырулы булулары турында игълан ителде. Узып баручы елга алдан йомгак ясап, Яшь юристлар советы рәисе Станислав Александров Ассоциациясенең Татарстан төбәк бүлегенең Яшь юристлар советы 2011 елны, яшьләргә йөз тоткан  предметлы һәм социаль характердагы бер рәт чаралар үткәреп, актив тәмамлау ниятен белдерде. Бу исә Татарстан Республикасы яшь юристларының актив гражданлык карашында торуларын раслый.

 

ТР Юстиция министрлыгының матбугат хезмәте