Юстиция министры М.М. Кормановның җәмәгать судьялары белән очрашуы

Кичә Татарстан Республикасы юстиция министры М.М. Корманов һәм аның урынбасары Н.В.Рагозина Казан шәһәренең Идел буе районы җәмәгать судьялары һәм җәмәгать судьялары аппаратының (Габишев ур., 35 й. адресы буенча урнашкан 7-10 нчы номерлы һәм Авангард ур., 143 й. адресы буенча урнашкан 1-6 нчы номерлы суд участоклары) хезмәткәрләре белән очраштылар.

Очрашу барышында җәмәгать судьялары һәм аларның аппаратларының матди-техник тәэминаты мәсьәләләре турында фикер алышынды, аерым алганда, хезмәткәрләрне почта түләүләре билгеләре белән тәэмин итү, суд участокларын кадрлар, хезмәт күрсәтә торган сайтлар һәм компьютер техникасы белән ныгыту, яңа 2012 елда җәмәгать судьялары аппараты хезмәткәрләренең хезмәт хакларын күтәрү һәм социаль ипотека, балалар бакчалары һәм башка шундый шәхси мәсьәләләр борчыды.

Суд участокларының ике бинасы эчендә дә (Авангард һәм Габишев урамнарындагы) агымдагы ремонт эшләрен үткәрү белән бәйле мәсьәләләр күтәрелде. Министр очрашуда катнашучыларның сорауларына җавап бирде, җәмәгать юстициясен матди-техник тәэмин итү өлешендә финанслау перспективалары, суд участоклары биналарында хәзерге вакытта ремонт эшләрен үткәрү, кадрлар белән ныгыту, аппарат хезмәткәрләренең хезмәт хакларын арттыру, соципотека буенча торак алуга исәпкә кую турында сөйләде. Күп мәсьәләләрне, ачыклау максатыннан, үзе өчен билгеләп куйды.

 

ТР Юстиция министрлыгының матбугат хезмәте