Юридик клиникалар эшчәнлеге турында семинар-киңәшмә

2011 елның 6 декабре, сишәмбе
Бүген Икътисад, идарә һәм хокук институтында IV Төбәкара семинар-киңәшмә үтте, анда Татарстан Республикасында һәм Идел буе федераль округында юридик клиникаларның эшчәнлеге һәм халыкка юридик ярдәм күрсәтү турында сөйләшү булды.
Көн кадагына куелган мәсьәләләр турында фикер алышуда ТР Дәүләт Советы, ТР Министрлар Кабинеты Аппараты, ТР Конституция Суды, ТР Прокуратурасы, ТРда Кеше хокуклары буенча вәкаләтле вәкил, ТР Юстиция министрлыгы, Россия юристлары ассоциациясенең Татарстан төбәк бүлегеннән вәкилләр, вузлар каршында ачылган юридик клиникаларның җитәкчеләре һәм хезмәткәрләре катнашты.
Семинар барышында “РФдә бушлай юридик ярдәм турында” Федераль закон, юридик клиникаларның оештыру-хокукый нигезләре, юридик хезмәт күрсәтүләрнең сыйфатын билгеләү критерийлары турында фикерләр әйтелде, шулай ук юридик клиникаларның техник яктан җиһазландырылуы турында, халыкка хокукый ярдәм күрсәткәндә, психологлар белән юристларның үзара багланышлары хакында сөйләшенде.
Семинарда катнашучыларның чыгышларында юридик клиникаларның, беренчедән, халыкның социаль яктан якланмаган катламына җитди ярдәм, икенчедән, вуз студентларының – булачак юристларның зур гамәли тәҗрибә алулары кебек мөһим билгеләнешенә басым ясмалды.
Семинар-киңәшмәне оештыручылар очрашу нәтиҗәләре буенча юридик клиникаларның эшчәнлеге һәм халыкка хокукый ярдәм турында резолюция әзерләүне планлаштырдылар, ул исә үз чиратында дәүләт хакимияте органнарына юлланачак.
 
ТР Юстиция министрлыгының матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International