Дәүләт хезмәткәрләренә класслы чин бирү тәртибе үзгәрде

2011 елның 18 ноябрендәге Татарстан Республикасы Законы белән “Татарстан Республикасы дәүләт граждан хезмәте турында” Татарстан Республикасы Законына үзгәрешләр кертелде.

Законны үзгәртү дәүләт хезмәткәрләренең аерым категорияләре өчен квалификация имтиханнарының, дәүләт хезмәтен узу шартларын оптимальләштерү һәм аларның һөнәри хезмәт эшчәнлекләре нәтиҗәләрен бәяләү процедураларының кабатлануыннан качу максатларында, федераль дәрәҗәдә бетерелүенә нигезләнә.

Элек “белгечләр” һәм “тәэмин итүче белгечләр” категорияләре вазыйфаларын биләп торучы дәүләт хезмәткәрләре тарафыннан, вәкаләтләре вакыты нинди булуга карамастан, квалификация имтиханын тапшыру каралган иде.

Дәүләт хезмәте вазыйфаларының югары төркеменә караган “җитәкчеләр” категориясенә кергән дәүләт хезмәте вазыйфаларын биләп торучы дәүләт хезмәткәрләреннән кала, вәкаләтләрнең вакыты чикләнгән дәүләт хезмәте вазыйфаларын биләп торучы дәүләт хезмәткәрләренә класслы чиннар квалификация имтиханы нәтиҗәләре буенча бирелә. Квалификация имтиханы дәүләт хезмәткәре инициативасы буенча класслы чин бирү турында мәсьәләләне хәл иткәндә аның тарафыннан класслы чин бирү турында язма гариза биргән көннән өч айдан да соңга калмыйча үткәрелә. Дәүләт хезмәткәрләре тарафыннан квалификация имтиханын тапшыру тәртибе федераль законнарга ярашлы рәвештә билгеләнә.

Башка дәүләт хезмәте категорияләре өчен класслы чин бирелгән көн дип класслы чин бирү турында карар кабул ителгән көн санала.

Закон рәсми басылып чыккан көненнән соң ун көн узгач үз көченә керә.

Закон "Республика Татарстан" газетасының 2011 ел, 26 ноябрь, 237 нче, "Ватаным Татарстан " газетасының 2011 ел, 29 ноябрь, 237 нче санында басылып чыкты.

 

«Гарант» мәгълүмат-хокук порталы материалларын файдаланып, ТР Юстиция министрлыгының матбугат хезмәте тарафыннан әзерләнде.