Әфганстан сугышы һәм башка локаль бәрелешләр инвалидларының республика иҗтимагый оешмасының Әлмәт бүлекчәсендә узган бәйрәмдә

2011 елның 23 декабре, җомга
Декабрь башында традиция буенча Халыкара инвалидлар ункөнлеге кысаларында Әфганстан сугышы һәм башка локаль бәрелешләр инвалидларының республика иҗтимагый оешмасының Әлмәт бүлекчәсе (ТРООИВА һәм ДЛК) әгъзалары ел эшчәнлегенә нәтиҗәләр ясау, киләчәккә эшне планлаштыру һәм хезмәттәш иптәшләр белән очрашу, хәрби туганлыкны, әфган җырларын искә төшерү һәм бәйрәм өстәле артында бер-берсенә уңышлар һәм сәламәтлек теләү максатларында очрашалар. Быел (шулай ук матур гадәткә тугры калып) оешма әгъзалары “ЯН” тау чаңгысы комплексы ресторанында (Әлмәт шәһәре) очраштылар. Әлеге форматта очрашу сугышта катнашкан инвалидлар өчен бәйрәмгә әверелде.
Әлеге чарага 25 кеше җыелды, алар арасында оешма әгъзалары – инвалидлар, аппарат хезмәткәрләре, шулай ук чакырылган кунаклар бар иде.
Күп еллар дәвамында ТРООИВА һәм ДЛКның Әлмәт бүлекчәсен Татарстан Республикасы Юстиция министрлыгы эшләр идарәчесе С.А.Брусов җитәкли. Шуны билгеләп үтәргә кирәк, Татарстан Республикасы Юстиция министрлыгы хезмәткәрләре оешмага һәм, җәмгыятебезнең социаль якланмаган төркеме буларак, сугышта катнашкан инвалидларның ташламалар алу, җир һәм торак законнары белән бәйле мәсьәләләр буенча мөрәҗәгать иткән аерым әгъзаларга хокукый ярдәм күрсәтәләр.
Үз уставындагы бурычларны гамәлгә ашыру чикләрендә Әлмәт бүлекчәсе, икътисадый кризис шартларында җитештерү-хуҗалык эшчәнлеге белән мөстәкыйль шөгыльләнә, үз оешмасы әгъзаларын эш урыннары белән тәэмин итә. Ошбу сәбәпле сугышта катнашкан инвалидлар проблемаларын хәл итү мөмкинлеге туа. Шул рәвешле аларга җәмгыять тормышында башка гражданнар белән бертигез катнашу мөмкинлеге бирелә.
Әлеге бүлекчә җитәкчелеге үз эшчәнлеген оешма әгъзаларына ярдәм күрсәтү өчен кирәкле юнәлешләр буенча алып бара. Бу социаль-хәйрия ярдәме, сәламәтләндерүне оештыру һәм инвалидларны медик-психологик тернәкләндерү, шулай ук яшьләрне геройлы-патриотлык хисләрендә тәрбияләү.
Очрашуда чыгыш ясау вакытында иҗтимагый оешма җитәкчесе С.А.Брусов чишү таләп иткән җитди проблемаларны ассызыклады. Аерым алганда, туктатылган троллейбус-музейны яңадан җибәрү һәм “Хәтер” тарихи-патриотлык музее реконструкциясен төгәлләү. Әлеге объектларның эшчәнлеге 2011-2015 елларга россиялеләрне патриотик тәрбияләү буенча хөкүмәт программасы белән бәйле рәвештә аеруча актуальлеккә ия.
Оешманың Халыкны социаль яклау шәһәр идарәсе белән берлектә Әлмәт муниципаль районы башкарма комитеты җитәкчелеге белән очрашуда сугышта катнашканда вафат булганнарның ата-аналары һәм сугышта катнашкан инвалидлар тарафыннан әйтелгән социаль проблемаларны гамәлгә ашыру планы чараларын гамәлгә ашыруны контрольдә тоту һәм булышлык күрсәтү буенча алып барыла торган эшчәнлек нәтиҗәләре хәбәр ителде. Район җитәкчелеге һәм оешманың уртак тырышлыгы нәтиҗәсендә 2011 елның 15 февраленә чаралар планы 90%ка гамәлгә ашырылды. Әмма сугыш хәрәкәтләрендә катнашу нәтиҗәсендә инвалид булып кайткан затлар өчен ике проблема һаман үз чишелешен тапмый: тиешле хезмәт хакы тәэмин ителгән эшкә урнашу һәм торак шартларын яхшырту.
Әлмәт муниципаль районы җитәкчелеге оешманың 2011 елгы эшчәнлек нәтиҗәлелеген уңай бәяли һәм алга таба да хәлдән килгәнчә ярдәм итәргә сүз бирде.
Кичәнең рәсми өлешендә традиция буенча оешма әгъзаларына Әфганстан сугышы һәм башка локаль бәрелешләр инвалидларына республика иҗтимагый оешмасы билетлары таратылды.
Тәнәфес вакытында кичәдә катнашучыларга бильярд һәм боулинг уйнау мөмкинлеге бирелде. Әлеге мөмкинлек “Ямашнефть” НГДУ идарәсе оештырган хәйрия шартларында бирелде.
 
ТР Юстиция министрлыгы Матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International