ТР Юстиция министрлыгы каршындагы Иҗтимагый советның йомгаклау утырышы булды

2011 елның 29 декабре, пәнҗешәмбе
2011 елның 28 декабрендә Татарстан Республикасы Юстиция министрлыгы каршындагы Иҗтимагый советның Татарстан Республикасы Иҗтимагый палатасы тарафыннан тәкъдим ителгән яңа әгъзалар: НОУ ВПО «ТИСБИ»  Идарә университеты»ның читтән торып уку буенча проректоры Дружкова С.Н. һәм Казан милли технологик тикшеренүләр университетының студент яшьләр белән эшләү бүлеге начальнигы, Югары яшьләр мәктәбе директоры Фәизова А.Ш. катнашында йомгаклау утырышы булды. Утырышта шулай ук Татарстан Республикасы юстиция министрының беренче урынбасары С.Н. Столяров катнашты.
Утырыш барышында Иҗтимагый совет рәисе Гатауллин А.Г. советның 2011 елдагы эшчәнлегенә йомгак ясады һәм башкарылган эшләргә уңай бәя бирде. Аннары Иҗтимагый совет әгъзалары 2012 елга якынча эш планы турында фикер алыштылар.
Ахырына якынлашып килгән елның тәҗрибәсен исәпкә алып, киләсе елда социаль өлкәгә караган закон проектларына җәмәгатьчелек экспертизасын үткәрү эшен дәвам итү, «Россия юристлары ассоциациясе» Гомумроссия иҗтимагый оешмасының Татарстан төбәк бүлеге белән үзара мөнәсәбәтләрне алга таба да гамәлгә ашыру, шулай ук дәүләт хакимияте органнары һәм иҗтимагый институтлар белән хокукый характердагы мөһим мәсьәләләр буенча ике арада элемтә булдыру планлаштырыла.
Моннан тыш, Иҗтимагый совет әгъзаларының Татарстан Республикасы Юстиция министрлыгы коллегияләрендә катнашуның уңай яклары карап тикшерелде. Шунда ук Татарстан Республикасы юстиция министрының беренче урынбасары С.Н. Столяров Советның барлык әгъзаларын да 2012 елның 12 гыйнварында булачак ТР Юстиция министрлыгының йомгаклау коллегиясе утырышына чакырды.
ТР Юстиция министрлыгының матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International