Дәүләт Думасының Тармак комитеты җәмәгать судьяларына йөкләнешне киметү турында закон проектын хуплады

2012 елның 16 гыйнвары, дүшәмбе
Дәүләт Думасының Тармак комитеты җәмәгать судьяларына йөкләнешне киметү турында закон проектын хуплады. “Россия Федерациясенең аерым закон актларына үзгәрешләр кертү турында” федераль закон проекты парламентның кече палатасы тарафыннан 22 февральдә карап тикшереләчәк.
Документ отставкадагы судьяны җәмәгать судьясы сыйфатында суд эшчәнлеген башкаруга җәлеп итү тәртибен билгели торган үзгәрешләр кертә. Отставкадагы җәмәгать судьясы кайсы РФ субъектында суд эшчәнлеген башкарган, шул субъектта җәмәгать судьясы вазыйфаларын башкаруга җәлеп ителергә мөмкин.
Проектта каралганча, салым (таможня) органы судка, сумма 3 мең сумнан (хәзер – 1 500) артып китсә, физик затның мөлкәте хисабына салым, җыем, пеня, штрафлар түләтү турында гариза бирә. Суд тарафыннан салым, җыем, пеня, штрафлар түләтү вакытын исәпләгәндә, шул ук суммадан чыгу тәкъдим ителә.
Әгәр судьяга йөкләнеш суд районы буенча уртача йөкләнештән артып китсә, проект авторлары материалларны 3 көнлек вакыт эчендә шул ук суд районы чикләрендәге башка участокның җәмәгать судьясына тапшырырга тәкъдим итәләр.
Закон проектыннан күренгәнчә, җәмәгать судьясы тарафыннан карап тикшерелергә тиешле эшләргә кертеп каралган эш буенча аңлатылган карар эштә катнашучы затлардан, аларның вәкилләреннән тиешле үтенеч язуы бирелгәннән соң чыгарыла. Әлеге үтенеч язуы суд карарының резолютив өлеше игълан ителгән яисә югарыда аталган затлар тарафыннан апелляция шикаяте, язма гариза тапшырылган көннән 3 көн эчендә бирелергә мөмкин.
«Гарант» компаниясенең мәгълүмати-хокукый сайты материалларына нигезләнеп
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International