Татарстан Республикасы җәмәгать судьяларын яңадан һөнәри укыту турында

2012 елның 20 гыйнвары, җомга
Җәмәгать судьялары институты – хокук тәртибен, гражданнарның хокукларын һәм законлы мәнфәгатьләрен суд тарафыннан яклауның мөһим инструменты. Әлеге институт, халыкка якын булуга бәйле рәвештә, гражданнарга үзләренең хокукларын һәм ирекләрен судта яклауны гарантияли.
Җәмәгать судьяларына карап тикшерү өчен килә торган эшләрнең күләме арту халыкның суд хакимияте органнарына ышанычлары ныгуын раслый.
Шуның белән бергә җәмәгать судьяларына арта баручы йөкләнеш гадел хөкемне гамәлгә ашырганда аерым кыенлыклар китереп чыгара һәм, төрле шартлар тәэсирендә, гражданнарның суд яклавына булган хокукларының тәэмин ителү дәрәҗәсенә тискәре йогынты ясарга мөмкин. Ошбу сәбәпле, суд участокларын Россия законнарын тирәнтен белүче, законнар нигезендә оператив рәвештә хөкем карарларын кабул итә алырлык югары һөнәри кадрлар белән тәэмин итү мәсьәләсе гаять мөһим.
“Россия Федерациясендә судьялар статусы турында” Россия Федерациясе Законына кертелгән үзгәрешләр нигезендә, 2011 елның 1 гыйнварыннан барлык судьяларның, шул исәптән җәмәгать судьяларының, өч елга бер тапкыр квалификацияләрен күтәрү һәм судья вазыйфаларына беренче тапкыр билгеләнгән затларның яңадан һөнәри укыту курсларында укулары мәҗбүри.
2012 елның 11 гыйнварында, федераль законнардагы таләпләр нигезендә, Россиянең гадел хөкем академиясенең Казан филиалы диварларында Татарстан Республикасы җәмәгать судьяларын яңадан һөнәри укыту курслары ачылды.
2011 елда Татарстан Республикасы Дәүләт Советы тарафыннан билгеләнеп, җәмәгать судьясы вазыйфаларын беренче тапкыр башкарырга керешкән Татарстан Республикасының Казан шәһәре, башка шәһәр һәм районнарыннан 9 җәмәгать судьясы парталар артына утырды.
Җәмәгать судьялары ике ай дәвамында Россиянең гадел хөкем академиясе тарафыннан махсус әзерләнгән гаять эчтәлекле программа буенча белем алачаклар. Уку программасы барыннан да бигрәк яңа гына эшли башлаган җәмәгать судьяларына судья һөнәренең күп кенә нечкәлекләрен аңлауда ярдәм итүне, күпчелек хокукый сорауларга җавап бирүне максат итеп тота.
Укулар расписаниесендә - “түгәрәк өстәлләр”, классик һәм интерактив лекцияләр, семинарлар, практик дәресләр, эшлекле уеннар, дискуссияләр үткәрү каралган, алар барышында суд эшендә очрый торган хаталар тикшереләчәк, яңа белемнәр системалаштырылачак һәм гомумиләштереләчәк.
Җәмәгать судьяларын яңадан һөнәри укыту курсларын ачу тантанасында чыгыш ясаган Татарстан Республикасы юстиция министры урынбасары Н.В.Рагозина белдергәнчә, суд участокларын законнарны тирәнтен белүче, законнар нигезендә гадел хөкем карарларын кабул итә алырлык югары һөнәри кадрлар белән тәэмин итү гаять мөһим.
Җәмәгать судьяларына дәресләрне гыйльми дәрәҗәләргә ия мөгаллимнәр, шулай ук саллы эш тәҗрибәсе булган гамәлдәге судьялар укыячаклар.
Яңадан һөнәри укыту курслары азагында, әлеге курсларны уңышлы тәмамлаган җәмәгать судьяларына дәүләт үрнәгендәге таныклыклар тапшырылачак.
 
ТР Юстиция министрлыгының Матбугат хезмәте
 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International