Татарстан Республикасы юстиция министры М.М.Кормановның Кама Тамагы муниципаль районына эшлекле сәфәре

2012 елның 18 гыйнварында Татарстан Республикасы юстиция министры М.М.Корманов эшлекле сәфәр белән Кама Тамагы муниципаль районында булып кайтты. Бу көнне анда ТР Кама Тамагы муниципаль районы Башкарма комитеты җитәкчесе вакантлы вазыйфаны биләп торуга конкурс үткәрелде. Министр М.М.Корманов – районның конкурс комиссиясе рәисе. Конкурска документларын 2 кандидат тапшырган иде – И.Ф.Рамазанов һәм Д.В.Юманов.

Бүген ТР Кама Тамагы муниципаль районы Советы утырышында Район советы депутатлары Башкарма комитет җитәкчесе вазыйфасына И.Ф.Рамазанов кандидатурасын бертавыштан сайладылар.

Эшлекле сәфәр вакытында М.М.Корманов муниципаль район башлыгы З.Г.Гарәфиев белән Кирельский һәм Сөйки авыл җирлекләрендә яшәүчеләр белән очраштылар.

Район башлыгы З.Г.Гарәфиев районның 2011 елдагы социаль-икътисадый үсеше һәм 2012 елга планнар турында сөйләде. Юстиция министры М.М.Корманов, үз чиратында, республика ирешкән үрләр һәм алдагы елга үсеш перспективалары хакында сөйләде.

Әлеге авыл җирлекләрендә гомер итүчеләр җитәкчеләргә су, юллар, Интернет, янгын сүндерү машиналары белән тәэмин ителешкә кагылышлы үзләрен борчыган мәсьәләләр буенча мөрәҗәгать иттеләр. Әлеге сорауларның күпчелегенә урында ук җавап бирелде.

 

ТР Юстиция министрлыгының Матбугат хезмәте