Татарстанда Түләүсез юридик ярдәм күрсәтү көне нәтиҗәләре

2012 елның 30 гыйнварында Россия юристлары ассоциациясе халыкка түләүсез юридик ярдәм күрсәтү проектын гамәлгә ашыру кысаларында Татарстан Республикасында чираттагы тапкыр Түләүсез юридик ярдәм күрсәтү көне үткәрелде.

 

Әлеге чара кысаларында Россия юристлары ассоциациясенең Татарстандагы төбәк бүлеге Татарстан Республикасы Юстиция министрлыгы, “Бердәм Россия” партиясенең Татарстандагы бүлеге белән берлектә халыкны 56 пунктта кабул итте. Һәр муниципаль районда “Бердәм Россия” партиясенең җирле бүлекчәсе базасында җәмәгатьчелекне кабул итү бүлмәләре, Россия Президентының Татарстан Республикасындагы җәмәгатьчелекне кабул итү бүлмәсе һәм “Бердәм Россия” партиясе Рәисе В.В.Путинның җәмәгатьчелекне кабул итү бүлмәсе, Россия юристлары ассоциациясенең Татарстандагы төбәк бүлегенең Казандагы (8 пункт), Чаллыдагы (4 пункт) һәм Түбән Кама шәһәрендәге (1 пункт) халыкка түләүсез юридик ярдәм күрсәтү үзәкләре эшләде.

 

Акциядә катнашучылар халыкны ачык ишекләр рәвешендә иртәнге сәгать 9 дан кичке 18 сәгатькә кадәр (Республиканың башка шәһәрләрендә һәм авыл җирлекләрендә - иртәнге сәгать 8.00дән алып 17.00 сәгатькә кадәр) кабул иттеләр.

 

Түләүсез юридик ярдәм күрсәтү көнен үткәрүне РФ Юстиция министрлыгының Татарстан Республикасы буенча идарәсе, Татарстан Республикасының Адвокатлар һәм Нотариаль палаталары, “ТИСБИ” Идарә академиясенең, Икътисад, идарә һәм хокук институтының (Казан шәһәре) юридик клиникалары, Ассоциациянең Татарстандагы бүлегенең Яшь юристлар советы әгъзалары хупланды.

 

Халыкны кабул итү эшенә юрист-консультантлар сыйфатында 46 адвокат, 64 нотариус, Татарстан Республикасы Юстиция министрлыгы, РФ Юстиция министрлыгының Татарстан Республикасы буенча идарәсе җитәкчелеге һәм белгечләре исәбеннән 15 юрист җәлеп ителде.

 

Татарстанда халыкны кабул итү нәтиҗәләре буенча 407 граждан квалификацияле хокукый ярдәм алды. Кабул итү көне статистикасына күз салсак, нотариуслар тарафыннан 161, адвокатлар тарафыннан 144 граждан кабул ителгән. Югары уку йортларының 2 юридик клиникасын да кертеп, Казан шәһәренең түләүсез юридик ярдәм күрсәтү пунктларында 105 кеше кабул ителгән.

 

 

Татарстан Республикасы Юстиция министры М.М.Корманов, аның урынбасарлары: С.Н.Столяров һәм Н.В.Рагозина, шулай ук РФ Юстиция министрлыгының Татарстан Республикасы буенча идарәсе җитәкчесе урынбасары О.В.Чиркова гражданнарны көн дәвамында Россия Президентының Татарстан Республикасындагы җәмәгатьчелекне кабул итү бүлмәсендә кабул иттеләр.

 

Хокукый ярдәм алу өчен мөрәҗәгать иткән халыкның иң актив төркеме – пенсия яшендәге өлкән кешеләр. Алар барыннан да бигрәк мирас, торак, җир законнары, социаль тәэминат белән бәйле, шулай ук процессуаль нормаларга шәрехләр алу максатыннан юристларга мөрәҗәгать иткәннәр.

 

Татарстанда Түләүсез юридик ярдәм күрсәтү көненең оештырылуы һәм үткәрелүе массакүләм мәгълүмат чараларында, шул исәптән Россия телевидениесенең үзәк каналларында яктыртылды.

 

ТР Юстиция министрлыгының Матбугат хезмәте