Татарстан Республикасы Юстиция министрлыгы

Мәктәп укучыларының хокук буенча республика олимпиадасында

2012 елның 6 феврале, дүшәмбе

2012 елның 1-2 февраль көннәрендә Татарстан Республикасында 9-11 сыйныф укучылары арасында хокук фәне буенча Бөтенроссия олимпиадасы үтте. Үз яшьтәшләре арасында җиңү яулау һәм Бөтенроссия хокук олимпиадасының йомгаклау өлешенә бару өчен көрәштә 139 укучы катнашты.

Республика олимпиадасының абсолют җиңүчесе – Казан шәһәре Мәскәү районы 122 нче гимназиясенең 11 сыйныф укучысы Аль-Аккуми Алинә Әхмәд.

11 нче сыйныф укучылары арасында 2 нче һәм 3 нче урыннарны – тиешенчә Скоморохова Карина (Чаллы шәһәренең 77 нче гимназиясе) һәм Хәсәнов Илфат (Түбән Кама шәһәренең 24 нче лицей-интернат укучысы) яуладылар.

Жюри карары нигезендә 10 нчы сыйныф укучылары арасында беренчелеккә Нигъмәтҗанова Айгөл лаек дип табылды (Казан шәһәре Мәскәү районы М.С.Устинова исемендәге 102 нче гимназия).

2 нче һәм 3 нче урыннарга Гуляева Татьяна (Чаллы шәһәренең 57 нче гимназиясе) һәм Сөбхангулова Динара (Түбән Кама шәһәренең 24 нче лицей-интернат укучысы) лаек дип табылды.

9 нчы сыйныф укучылары арасында беренче урын Казан шәһәре Идел буе районының 19 нчы гимназия укучысы Куртаева Камиләгә бирелде.

Әлеге яшь төркемендә 2 нче һәм 3 нче урыннарга Андреева Алинә (Бөгелмә шәһәренең 3 нче урта белем бирү мәктәбе) һәм Баһманова Алинә (Чаллы шәһәренең 1 нче урта белем бирү мәктәбе) лаек дип табылды.

Татарстан Республикасы Мәгариф һәм фән министрлыгы олимпиадада җиңүчеләрне дипломнар белән бүләкләде. Хәзер аларны укучылар арасында хокук фәне буенча үткәреләчәк олимпиаданың Бөтенроссия турында катнашу көтә. Республика олимпиадасында җиңүчеләрне әзерләгән мөгаллимнәр Министрлыкның Мактау грамоталарына ия булдыдар.

Моннан тыш, укучылар арасында хокук фәне буенча олимпиадада кайбер номинацияләр игълан ителде. Татарстан Республикасы Юстиция министрлыгы һәм Россия юристлары ассоциациясенең Татарстандагы төбәк бүлеге “Хокукый мәсьәләләрне (аңлашылмаучанлыкларны) иң яхшы хәл иткән өчен” номинациясендә җиңүчеләрне билгеләде һәм Россия юристлары ассоциациясенең рәхмәт хатлары белән бүләкләде.

Җинаять, граждан, конституция хокукын иң яхшы белгән өчен номинацияләре Социаль һәм гуманитар белем институты тарафыннан игълан ителде. Әлеге өч номинациядә җиңү яулаган укучыларны бүләкләргә Институт проректоры О.И.Алеев килде. Олимпиада призерлары һәм җиңүчеләре Институтта 10 – 20 %лы ташлама белән уку мөмкинлеген бирә торган сертификатларга ия булдыдар.

ТР Юстиция министрлыгының Матбугат хезмәте

БАРЛЫК ЯҢАЛЫКЛАРНЫ УКУ