РФ Төбәкләрне үстерү министрлыгының территорияләрне төзекләндерүгә кагылышлы тәкъдимнәре

Россия Федерациясе Төбәкләрне үстерү министрлыгының 2011 елның 27 декабрендәге 613 номерлы боерыгы белән муниципаль берәмлекләрнең территорияләрен төзекләндерүгә  кагылышлы норма һәм кагыйдәләрне эшләү буенча методик тәкъдимнәр расланды.

Югарыда аталган методик тәкъдимнәр муниципаль берәмлекләрнең территорияләрендә куркынычсыз, уңайлы һәм җәлеп итәрдәй мохит булдыру өчен төзекләндерү элементларының гомуми параметрларын һәм тәкъдим ителгән минималь җыелмасын билгели.

Тәкъдимнәр, проектлаганда куллану, территорияне төзекләндерү чараларының гамәлгә ашырылуын тикшерүдә тоту, төзекләндерелгән территорияләрне файдалану өчен шәһәр һәм авыл җирлекләре, муниципаль районнар, шәһәр округлары территорияләрен яисә федераль әһәмияттәге шәһәрнең шәһәр эче территорияләрен төзекләндерү нормаларын һәм кагыйдәләрен эшләү максатларында, тулысынча яки өлешчә кулланыла ала.

РФ Төбәкләрне үстерү министрлыгының тәкъдимнәре турында мәгълүмат, эштә куллану өчен, муниципаль берәмлекләрнең җирле үзидарә органнарына Татарстан Республикасы Юстиция министрлыгы хаты белән җиткерелде.

Методик киңәшләрнең тексты белән «Консультант Плюс» һәм «Гарант» мәгълүмат-хокук системаларында танышырга мөмкин.

 

ТР Юстиция министрлыгының Матбугат хезмәте