Муниципаль норматив хокукый актларны кабул иткәндә законлылыкны саклау турында

2012 елның 15 февралендә норма төзү барышында дәүләт органнары һәм җирле үзидарә органнарының үзара мөнәсәбәттә торуын гамәлгә ашыру кысаларында “Муниципаль норматив хокукый актларны кабул иткәндә законлылыкны саклау” мәсьәләсенә багышланган видеоконференция тәртибендә киңәшмә булды. Аны Татарстан Республикасы Юстиция министрлыгы Татарстан Республикасы Прокуратурасы белән берлектә оештырды. Киңәшмәне Татарстан Республикасы юстиция министры М.М. Корманов алып барды.

Видеоконференциядә Татарстан Республикасы Прокуратурасыннан, Россия Федерациясе Юстиция министрлыгының Татарстан Республикасы буенча Идарәсеннән, Татарстан Республикасы Муниципаль берәмлекләр советыннан, Татарстан Республикасы Юстиция министрлыгыннан вәкилләр, шулай ук муниципаль берәмлекләрнең башкарма комитетлары җитәкчеләре һәм җирле үзидарә органнарының юридик хезмәтләреннән вәкилләр катнашты.

Көн тәртибендәге төп эш җирле үзидарә органнарының муниципаль норматив хокукый актларны эшләү һәм кабул итү барышында туган кыенлыклар турында фикер алышу булды.

Киңәшмәдә катнашучылар хокукый актларның законлылыгына күзәтчелеккә һәм прокуратура органнарының хокук төзү эшчәнлегенә, муниципаль берәмлекләр уставларының гамәлдәге законнарга туры килүен тәэмин итүгә, шулай ук Татарстан Республикасы муниципаль норматив хокукый актлары регистрын алып баруга кагылышлы мөһим мәсьәләләр карап тикшерелде. Җирле үзидарә органнары эшчәнлегендә кимчелекләрне бетерү буенча тиешле тәкъдимнәр бирелде.

2012 елның 2 кварталында муниципаль берәмлекләрнең башкарма комитетлары җитәкчеләренә республика Прокуратурасы белән берлектә җирле үзидарә органнары юристларына укулар үткәрү тәкъдим ителде.

Видеоконференция ахырында Татарстан Республикасы юстиция министры М.М. Корманов киңәшмәгә нәтиҗәләр чыгарды һәм аның катнашучыларын киләчәктә дә бергә эшләргә өндәде.

 

ТР Юстиция министрлыгының Матбугат хезмәте