Мәҗбүри тоту урыннарындагы затларга юридик ярдәм

2012 елның 29 феврале, чәршәмбе
Кичә, 2012 елның 28 февралендә, 18 нче Төзәтү колониясендә мәҗбүри тоту урыннарындагы затларга (хөкем ителгәннәргә) юридик ярдәм күрсәтү буенча беренче кабул итү булды. Татарстан Республикасы Юстиция министрлыгы һәм Россия юристлары ассоциациясенең Татарстан төбәк бүлеге тарафыннан әзерләнгән әлеге яңа социаль проект - Татарстан төбәк бүлеге Россия Федераль Җәзалар үтәтү хезмәтенең Татарстан Республикасы буенча идарәсе белән тыгыз хезмәттәшлек нәтиҗәсе.
Кабул итүнең төп максаты – хөкем ителгәннәрне яңадан социальләштерү. Кабул итү барышында кешене гражданнар җәмгыятенә җайлаштыруга юнәлтелгән юридик ярдәм күрсәтелде.
Хөкем ителгәннәргә юридик ярдәм күрсәтү буенча мәгълүмат-консультация төркеме, төзәтү колониясендәге хөкем ителгәннәрнең тәкъдимнәрен 18 нче Төзәтү колониясе администрациясе тарафыннан алдан өйрәнүгә нигезләнеп, Татарстан Республикасы Юстиция министрлыгы, Федераль миграция хезмәтенең Татарстан Республикасы буенча идарәсе, Татарстан Республикасы Нотариаль һәм Адвокатлар палаталары, шулай ук Татарстан Республикасында Кеше хокуклары буенча вәкаләтле вәкил аппараты белгечләреннән оештырылды.
Төзәтү колониясендә узган беренче кабул итү мәҗбүри тоту урыннарындагы затларның да теркәлү урыны, гражданлык, мирас һәм мөлкәткә кагылышлы эшләр, ярлыкау мәсьәләләре буенча, граждан шикаятьләре, кредитларны реструктуризацияләү, торакны хосусыйлаштыру, ата-ана хокукларын кире кайтару һәм башка проблемалар буенча белгечләрнең юридик ярдәменә шулай ук мохтаҗ булуларын күрсәтте. Бу көнне 20 хөкем ителгән зат белгечләрдән үзләренең тормышларында хәл ителүне таләп иткән мәсьәләләр буенча квалификацияле ярдәм алдылар.
Мәҗбүри тоту урыннарындагы затларга юридик ярдәм күрсәтү – ул түләүсез юридик ярдәм күрсәтү буенча Россия юристлары ассоциациясенең Татарстан төбәк бүлегенең яңа проекты башлангычы.
Россия Федераль Җәзалар үтәтү хезмәтенең Татарстан Республикасы буенча идарәсендә хөкем ителгәннәргә юридик ярдәм күрсәтү идеясен хупладылар һәм алга таба хезмәттәшлек итү теләген белдерделәр. Россия юристлары ассоциациясенең төбәк бүлеге бу юнәлештәге эшчәнлеген дәвам итәргә уйлый. Инде агымдагы елның апрелендә 2 нче Төзәтү колониясендә охшаш кабул итүне үткәрү күздә тотыла.
 
ТР Юстиция министрлыгының Матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International