Яшьләр сәламәт яшәү рәвешен сайлый

2012 елның 1 марты, пәнҗешәмбе
2012 елның 28 февралендә РФ Юстиция министрлыгы Россия хокук академиясенең Казан юридик институтында (филиалында) “Яшьләр сәламәт яшәү рәвешен сайлый” Югары уку йортлары арасында студентлар фәнни-гамәли форумы узды. Аның эшендә Россия Юстиция министрлыгы Россия хокук академиясенең Ижевск юридик институты (филиалы) студентлары катнашты.
Форум барышында “түгәрәк өстәл” үткәрелде, аның кысаларында яшьләрдә сәламәт яшәү рәвешенә теләктәшлек булдыруга бәйле мәсьәләләр турында фикер алышу булды. Студентлар форумы эшендә Татарстан Республикасы юстиция министры, юридик фәннәр докторы М.М.Корманов катнашты.
Татарстан юстиция министры соңгы берничә елда чаңгыда VIP-ярышларда танылган лидер булганлыктан, сәламәт яшәү рәвешен формалаштыру мәсьәләләренә багышланган чарада очраклы катнашучы түгел. Аерым алганда, күптән түгел узган “Татарстан чаңгы юлы-2012” чаңгы ярышларында ул 2 нче мактаулы урын яуласа, 2012 елгы велосипед ярышларында җиңүче булды. Моннан тыш, ул актив рәвештә хоккей, йөзү, футбол белән дә шөгыльләнә.
Мидхәт Мәзгут улы, “түгәрәк өстәл” утырышында чыгыш ясап, форумда катнашучыларга сәламләү сүзләре белән мөрәҗәгать итте, Татарстанда һәм Россиянең спорт башкаласы дип танылган Казан шәһәрендә 2013 елгы Универсиадага әзерлек белән бәйле башкарылган эшләр, республикада спорт үсеше, физик культура белән шөгыльләнү һәм яшьләрдә сәламәт яшәү рәвешен формалаштыру өчен нинди эшләр башкарылганлыгы турында сөйләде. Ул үз чыгышын кешенең физик вә әхлакый сәламәтлеге аның һөнәри һәм шәхси үсеше нигезе булуының ачык һәм ышандырырлык мисаллары белән тулыландырды. Министр булачак юристларның игътибарын сәламәт яшәү рәвешен алып баруның аларның карьера  үсешләре өчен аерылгысыз шарт булуына юнәлтте.
Татарстан Республикасы юстиция министры М.М.Кормановның яшьләр форумындагы чыгышы анда катнашучылар тарафыннан студент яшьләрне сәламәт яшәү рәвешенә өндәү мөрәҗәгате кабул ителүгә нигез булды.
 
ТР Юстиция министрлыгының Матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International